Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower June 1

“Nihi fuu heɔ yeɔ kaa je ɔ mi jami ɔmɛ ji blɔ slɔɔtohi nɛ́ kɛ nɔ yaa Mawu ngɔ. Kɛ moo o susu kɛɛ? [Ngmɛɛ blɔ nɛ e ha heto.] Hyɛ nɔ́ nɛ Baiblo ɔ de. [Kane Yoshua 24:15.] Womi nɛ ɔ tsɔɔ yi mi tomi kpakpahi a heje nɛ sa kaa wa kpa wa jami ɔ si nɛ waa hyɛ kaa e kɛ wɔ maa su anɔkuale Mawu ɔ he lo?” Ngɔɔ munyu nɛ ngɛ bafa 12 kɛ tsɔɔ lɛ.

Awake! June

“Wɔ tsuo wa le ni komɛ nɛ a gbo. Anɛ o susu kaa e sa nɛ waa ye gbeye kaa a ti ni komɛ a mi mi ma fu wɔ nɛ a ma hla kaa a ye wɔ awi lo? [Ngmɛɛ blɔ nɛ e ha heto. Kane Fiɛlɔ 9:5, 6] Munyu nɛ ɔ maa jɔɔ o bua.” Ngɔɔ munyu nɛ ngɛ bafa 22 kɛ tsɔɔ lɛ.

The Watchtower July 1

“Nihi fuu ngɛ Baiblo, se e sisi numi yee ha mɛ. Anɛ mo hu e peeɔ mo jã lo? [Ngmɛɛ blɔ nɛ e ha heto.] Ngmami nɛ ɔ tsɔɔ kaa Baiblo ɔ Ngmalɔ ɔ suɔ kaa waa nu e Munyu ɔ sisi nɛ wa ná he se. [Kane La 119:130.] Womi nɛ ɔ tsɔɔ níhi etɛ nɛ maa ye bua wɔ konɛ waa nu Baiblo ɔ sisi.”

Awake! July

“Nihi fuu a juɛmi haoɔ mɛ mwɔnɛ ɔ. Anɛ Mawu susuɔ nihi nɛ a juɛmi haoɔ mɛ ɔ a he lo? [Ngmɛɛ blɔ nɛ e ha heto. Kane La 34:18.] Womi nɛ ɔ tsɔɔ bɔnɛ Mawu yeɔ bua nihi nɛ a juɛmi haoɔ mɛ ɔ ha keji a hia dɔkitahi a yemi kɛ buami po. Nɛ e tsɔɔ nɔ́ nɛ wa ma nyɛ ma de mɛ kɛ wo a bua.”