Teokrase Sɔmɔmi Sukuu ɔ Mi Nylɔmi

Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi February 28, 2011. Sukuu nɔ hyɛlɔ ɔ maa ngɔ hɛngmɛfia 20 nɛ e kɛ tue buli ma nylɔ níhi nɛ a kase kɛ je January 3 kɛ ba si February 28, 2011 otsi ɔ mi ɔ mi.

1. Benɛ Hezekia je e nɔyemi ɔ sisi ɔ, mɛni nítsumi lɛ e je sisi nɛ e tsu, nɛ mɛni blɔ nɔ wa ma nyɛ maa gu kɛ kase lɛ mwɔnɛ ɔ? (2 Kron. 29:16-18) [w09-E 6/15 bf. 9 kk. 13]

2. Mɛni blɔ nɔ 2 Kronika 36:21 ma nɔ mi kaa gbami nɛ ngɛ Yeremia 25:8-11 ba mi ngɛ? [w06-E 11/15 bf. 32 kk. 1-4]

3. Ngɛ mɛni blɔ nɔ nɛ Ezra 3:1-6 ma nɔ mi kaa jeha 70 nɛ Ngmami ɔ tsɔɔ kaa Yerusalem kɛ maa pee ma doku ɔ e nyagbe pɛpɛɛpɛ nɛ ni ɔmɛ kpale a se kɛ ba ma a mi? [w06-E 1/15 bf. 19 kk. 2]

4. Mɛni heje nɛ benɛ Ezra ná le kaa Yudabi ɔmɛ kɛ zugba a nɔ bi ɔmɛ sɛ gba si himi mi ɔ, e hao lɛ ɔ? (Ezra 9:1-3) [w06-E 1/15 bf. 20 kk. 1]

5. Mɛnɔmɛ ji “ma nimeli ɔmɛ,” nɛ mɛni su lɛ a je kpo nɛ e sa kaa wa kua? (Neh. 3:5) [w06-E 2/1 bf. 10 kk. 1; w86-E 2/15 bf. 25]

6. Mɛni blɔ nɔ Amlaalo Nehemia gu kɛ pee nɔ hyɛmi nɔ́ kpakpa kɛ ha Kristofoli nɔ hyɛli? (Neh. 5:14-19) [si-E bf. 90 kk. 16]

7. Kaa bɔnɛ Israelbi ɔmɛ nɛ a hi si ngɛ Nehemia be ɔ mi ɔ pee ɔ, mɛni blɔ nɔ wa maa gu nɛ wa hɛ be “wa Mawu ɔ we ɔ” nɔ jee? (Neh. 10:32-39) [w98-E 10/15 bf. 21-22 kk. 12]

8. Ke wa susu bɔnɛ Nehemia pee e ní ha a he ɔ, mɛni sanehi lɔɔ ma ha nɛ wa bi wa he? (Neh. 13:31) [w96-E 9/15 bf. 17 kk. 3]

9. Anɛ Matsɛ Ahasuerus kɛ Ester ná bɔmi loko e ngɔ lɛ kaa e yo lo? (Ester 2:14-17) [w91-E 1/1 bf. 31 kk. 6]

10. Mɛni heje nɛ Mordekai kua kaa e maa ba si ha Haman ɔ? (Ester 3:2, 4) [it-2-E bf. 431 kk. 7]