A Be Daa Ligbi Ngmami ɔ He Susue Ngɛ Kpe Nɛ A Peeɔ Loko A Yaa Fiɛɛmi ɔ Mi Hu
Be ko nɛ be ɔ, ke daa ligbi ngmami ɔ kɔ fiɛɛmi nítsumi ɔ he ɔ, a nyɛɛ susuɔ he ngɛ kpe nɛ a peeɔ loko a yaa fiɛɛmi ɔ mi. Amlɔ nɛ ɔ, a be jã pee hu. E sɛ nɛ a da Examining the Scriptures Daily (Daa Ligbi Ngmami ɔ Mi Hyɛmi) womi ɔ nɔ kɛ pee kpe kɛ ha fiɛɛmi yami hu. Kaa bɔnɛ wa pɔɔ peemi ɔ, nyɛmimɛ nɛ a maa hyɛ kpe ɔ nɔ ɔ ma nyɛ maa ngɔ Baiblo ɔ, Wa Matsɛ Yemi Sɔmɔmi ɔ, Ministry School womi ɔ, Reasoning womi ɔ, kɛ womi kpahi nɛ kɔɔ sɔmɔmi nítsumi ɔ he ɔ kɛ tsu ní. E sa kaa nyɛmimɛ nɛ a ma ha mɛ he blɔ kaa a hyɛ kpe ɔ nɔ ɔ nɛ dla a he konɛ a tsɔɔ nihi nɛ a maa ya fiɛɛmi jamɛ a ligbi ɔ nɔ́ ko nɛ maa ye bua mɛ. Kaa bɔnɛ wa peeɔ sa a, e sa nɛ kpe ɔ nɛ ye hɛngmɛfia 10 kɛ ya si 15, nɛ ke a kpa asafo mi kpe loko a maa pee ɔ, lɛɛ e sa nɛ e pee kpiti.