Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower March 1

“Nihi hɛɛ juɛmi ekpaekpa ngɛ Yesu he. Anɛ o buu lɛ kaa Mawu bi loo nɔmlɔ kpakpa ko kɛkɛ?” Ngmɛɛ lɛ blɔ nɛ e ha heto. Moo kane munyu kɛ ngmami ɔmɛ a kpɛti kake nɛ ngɛ sane bimihi nɛ a ngma lɛ agboagbo nɛ ngɛ bafa 16-17 ɔ sisi ɔ a kpɛti kake. Ngɔɔ womi tɛtlɛɛ ɔ kɛ ha lɛ nɛ nyɛɛ to be nɛ o maa kpale kɛ ba slaa lɛ konɛ nyɛ susu sane bimi nɛ nyɛɛ se ɔ he.

Awake! March

Ke o kɛ niheyo loo yiheyo kpe ɔ, mo bli womi ɔ kɛ ya bafa 26. Ngɔɔ munyuyi wayo nɛ sɛ hlami ɔ kɛ tsɔɔ lɛ nɛ o bi lɛ ke, “Anɛ munyu nɛ ɔmɛ ji anɔkuale loo lakpa? [Ngmɛɛ lɛ blɔ nɛ e ha heto. Lɔɔ se ɔ, kane 2 Korintobi 7:1.] Munyu nɛ ɔ tsɔɔ nɔ́ nɛ e sa kaa o le ngɛ sigaleti numi he kɛ blɔ nɔ nɛ o maa gu kɛ kpa sigaleti numi.”

The Watchtower April 1

“Nihi babauu hɛɛ hemi kɛ yemi ekpaekpa ngɛ Yesu he. Anɛ o susu kaa e he hia kaa waa le anɔkuale nɛ kɔɔ e he lo? [Ngmɛɛ lɛ blɔ nɛ e ha heto. Lɔɔ se ɔ, kane Yohane 17:3.] Womi nɛ ɔ tsɔɔ nɔ́ nɛ Baiblo ɔ de ngɛ Yesu he—he nɛ e je kɛ ba, bɔnɛ e hi si ha, kɛ nɔ́ heje nɛ e gbo.”

Awake! April

“Anɛ o nɛ kaa e ji haomi agbo kaa nɔ ko nɛ o suɔ e sane ɔ ma gbo lo? [Ngmɛɛ lɛ blɔ nɛ e ha heto.] Ga womi nɛ ngɛ La 55:22 ye bua nihi fuu. [Kane.] Womi nɛ ɔ tsɔɔ blɔ kpakpahi komɛ a nɔ nɛ wa maa gu kɛ da wa aywilɛho yemi ɔ nya kɛ bɔnɛ wa maa ngɔ wa haomi ɔ kɛ ha Mawu ha.”