Nyɛ Kɛ Tsu Ní, A Ko Bua Nya Kɛ Pue Si

Asafohi fuu bua womi momo komɛ a nya kɛ pue si. Mɛni heje nɛ o ya ngɔɛ eko konɛ o kɛ to he nɛ o ngɔɔ asafo ɔ womihi kɛ toɔ ngɛ ɔ? Ngɛ anɔkuale mi ɔ, eko ɔ, o ngɛ Watchtower Library nɛ́ o nyɛɔ nɛ o kaneɔ womi momo nɛ ɔmɛ a mi munyuhi ngɛ nɔ momo. Se, se nami ngɛ he kaa o ma ná womi ɔmɛ nitsɛ hulɔ. Anɛ o kɛ Baiblo kaselɔ ko nɛ e ngɛ e hɛ mi yae ngɛ ní kasee lo? Lɛɛ moo wo lɛ he wami konɛ e ya ngɔ womi momo nɛ ɔmɛ kɛ to he nɛ e ngɔɔ asafo ɔ womihi kɛ toɔ ngɛ ɔ. E sa kaa Teokrase Sɔmɔmi Sukuu nɔ hyɛlɔ ɔ nɛ e hyɛ konɛ womi momo nɛ ɔmɛ eko nɛ hi asafo ɔ womi to he ɔ ngɛ Matsɛ Yemi Asa a nɔ. Loloolo ɔ, se nami ngɛ womi nɛ ɔmɛ a he. E hi wawɛɛ kaa waa kɛ womi nɛ ɔmɛ ma tsu ní mohu pe nɛ asafo ɔ ma bua nya kɛ pue si!