Blɔ Nya Tomi Kɛ Ha September 3 Otsi ɔ
OTSI NƐ JE SISI SEPTEMBER 3
La 6 Kɛ Sɔlemi
□ Asafo Baiblo Mi Nikasemi:
lv yi 14 kk. 15-19, kɛ daka ngɛ bf. 167 (Hɛngm. 30)
□ Teokrase Sɔmɔmi Sukuu:
Baiblo kanemi: Ezekiel 39-41 (Hɛngm. 10)
No. 1: Ezekiel 40:17-31 (Hɛngm. 4 loo nɔ́ nɛ sui jã)
No. 2: Mɛni Blɔhi A Nɔ Wa Hɛngmɛ Ma Nyɛ Maa Sisi Wɔ Ngɛ?—1 Mose 3:2-6 (Hɛngm. 5)
No. 3: Anɛ Ma Kudɔmi Sanehi Nɛ Kristofoli Kɛ A He Wui Mi ɔ Tsɔɔ Kaa A Be A Kpɔ ɔ Mi Bimɛ A He Bua Jɔmi Lo?—rs-E bf. 276 kk. 1 +w04-E 4/15 bf. 21 kk. 13-18 (Hɛngm. 5)
□ Sɔmɔmi Kpe:
Hɛngm. 10: Bɔnɛ Waa Kɛ Wetsɛmɛ Ma Susu Níhi A He Ha—Fa 2. Ní sɛɛmi nɛ a kɛ da Ministry School womi ɔ, bafa 253, kuku 3, kɛ ya si bafa 254 ɔ nyagbe ɔ nɔ. Ha nɛ a pee munyu otihi nɛ nyɛ susu he ɔ a kpɛti kake loo enyɔ he peemi kɛ tsɔɔ.
Hɛngm. 10: Asafo ɔ mi hiami níhi.
Hɛngm. 10: Blɔhi A Nɔ Nɛ Wa Maa Gu Kɛ Ha Womi Tɛtlɛɛ Ɔmɛ Ngɛ September Mi. Ní sɛɛmi. O kɛ tsui fia 30 loo 60 nɛ tsɔɔ womi tɛtlɛɛ ɔmɛ a mi munyuhi nɛ nihi nɛ a ngɛ nyɛ zugba kpɔ ɔ mi ɔ a bua maa jɔ he. Moo da munyuhi nɛ a ngma ngɛ Watchtower a mi nɛ kɔɔ munyu nɛ a ngma ngɛ e hɛ mi ɔ he ɔ nɔ kɛ bi tue buli nɛ a tsɔɔ sane bimihi kɛ ngmamihi nɛ a kɛ ma tsu ní loko a kɛ ma ha. Moo pee jã nɔuu ngɛ munyuhi nɛ a ngma ngɛ Awake! ɔ mi nɛ kɔɔ e hɛ mi munyu ɔ he ɔ blɔ fa mi, nɛ ke be ngɛ ɔ, o ha nɛ a tsɔɔ sane bimi kɛ ngmami nɛ a maa kane ngɛ munyu kpa nɛ ngɛ Awake! ɔ loo Watchtower a mi ɔ he. Ha nɛ a pee bɔnɛ a kɛ womi ɔ eko tsuaa eko ma ha ha a he peemi kɛ tsɔɔ. (Ke nyɛ ngɛ womi tɛtlɛɛ ɔmɛ nɛ a kɛ haa ma bi ɔ eko ngɛ je gbi mi ɔ, nyɛ kɛ lɔɔ ɔmɛ nɛ tsu ní kɛ pee peemi kɛ tsɔɔ ɔ.)
La 34 Kɛ Sɔlemi