Blɔ Nya Tomi Kɛ Ha October 1 Otsi ɔ
OTSI NƐ JE SISI OCTOBER 1
La 45 Kɛ Sɔlemi
□ Asafo Baiblo Mi Nikasemi:
lv yi 16 kk. 1-8 (Hɛngm. 30)
□ Teokrase Sɔmɔmi Sukuu:
Baiblo kanemi: Daniel 4-6 (Hɛngm. 10)
No. 1: Daniel 4:18-28 (Hɛngm. 4 loo nɔ́ nɛ sui jã)
No. 2: Nɔ́ Heje Nɛ Anɔkuale Kristofoli Yuu A He Ngɛ Mumi Yayami Kɛ Nítsumi He (Hɛngm. 5)
No. 3: Kɛ Gu Mɛni Blɔ Nɔ Nɛ Mawu Kɛ Blɔ Tsɔɔmi Ha E Sɔmɔli Nɛ A Hi Si Ngɛ Zugba a Nɔ Blema a? —rs-E bf. 281 kk. 1-2 +lv bf. 48 Daka (Hɛngm. 5)
□ Sɔmɔmi Kpe:
Hɛngm. 5: Moo Je Baiblo Mi Nikasemi Sisi Ngɛ Kekleekle Hɔ ɔ Nɔ. Ha nɛ a ngɔ fiɛɛmi munyu nɛ ngɛ bafa nɛ ɔ mi ɔ kɛ pee bɔnɛ a ma plɛ kɛ je Baiblo mi nikasemi sisi ngɛ kekleekle Hɔ nɛ ngɛ October nyɔhiɔ ɔ mi ɔ he peemi kɛ tsɔɔ. Moo wo nɔ tsuaa nɔ he wami konɛ e kɛ e he nɛ wo mi.
Hɛngm. 15: Mɛni Wa Nyɛ Tsu Ngɛ Jeha Nɛ Be ɔ Mi? Munyu tumi nɛ sɔmɔmi nítsumi nɔ hyɛlɔ ɔ ma tsu he ní. Moo tsɔɔ nɔ́ nɛ asafo ɔ nyɛ nɛ e tsu ngɛ sɔmɔmi jeha nɛ be ɔ mi, nɛ o tu mɔde nɛ a bɔ ɔ he munyu titli nɛ o je a yi. Mo bi fiɛɛlɔ kake loo enyɔ nɛ a de níhi a si kpamihi nɛ a ngɛ bua jɔmi nɛ a ná. Moo tsɔɔ nɔ́ kake loo enyɔ ko nɛ asafo ɔ ma nyɛ ma tsu he ní ngɛ sɔmɔmi jeha nɛ maa ba a mi konɛ o kɛ ga womi pɔtɛɛ nɛ kɔɔ bɔnɛ a ma plɛ kɛ ya a hɛ mi ha a he ɔ nɛ ha.
Hɛngm. 10: Blɔhi A Nɔ Nɛ Wa Maa Gu Kɛ Ha Womi Tɛtlɛɛ Ɔmɛ Ngɛ October Mi. Ní sɛɛmi. O kɛ tsuifia 30 loo hɛngmɛfia kake nɛ tsɔɔ womi tɛtlɛɛ ɔmɛ a mi munyuhi nɛ nihi nɛ a ngɛ nyɛ zugba kpɔ ɔ mi ɔ a bua maa jɔ he. Lɔɔ se ɔ, moo da munyuhi nɛ a ngma ngɛ Watchtower a mi nɛ kɔɔ munyu nɛ a ngma ngɛ e hɛ mi ɔ he ɔ nɔ kɛ bi tue buli nɛ a tsɔɔ sane bimihi kɛ ngmamihi nɛ a kɛ ma tsu ní loko a kɛ ma ha. Moo pee jã nɔuu ngɛ munyuhi nɛ a ngma ngɛ Awake! ɔ mi nɛ kɔɔ e hɛ mi munyu ɔ he ɔ blɔ fa mi, nɛ ke be ngɛ ɔ, o ha nɛ a tsɔɔ sane bimi kɛ ngmami nɛ a maa kane ngɛ munyu kpa nɛ ngɛ Awake! ɔ loo Watchtower a mi ɔ he. Ha nɛ a pee bɔnɛ a kɛ womi tɛtlɛɛ ɔ eko tsuaa eko ma ha ha a he peemi kɛ tsɔɔ.
La 26 Kɛ Sɔlemi