Anɛ O Ma Ná Zugba Kpɔ Nɛ A Maa Ha Mo ɔ He Se Lo?
1. Ke a ke o zugba kpɔ ɔ, mɛni e tsɔɔ?
1 Ke a ke o zugba kpɔ ɔ, mɛni e tsɔɔ? E ji asafo ɔ zugba kpɔ ɔ bɔɔ ko nɛ a tɛni ngɛ Territory Map Card (S-12) ɔ nɔ, nɛ a kɛ haa fiɛɛlɔ ko. A toɔ enɛ ɔ he blɔ nya ngɛ asafohi nɛ a zugba kpɔhi kle ɔmɛ a mi. E ji zugba kpɔ nɛ a maa ha mo, nɛ eko ɔ, e kɛ o we he be kɛe. A tsɔɔ nya ngɛ Organized womi ɔ bafa 103 kaa: “Ke o ngɛ zugba kpɔ nɛ e kɛ o he kɛ we ɔ, e ma ha nɛ o kɛ be babauu maa fiɛɛ. Jehanɛ hu, o ma nyɛ maa fɔ fiɛɛlɔ ko nine nɛ e kɛ mo ba tsu ní ngɛ o zugba kpɔ ɔ mi.”
2. Mɛni blɔ nɔ o ma tsu o zugba kpɔ ɔ mi ní kɛ piɛɛ kutuu fiɛɛmi yami ɔ he?
2 A Kɛ Piɛɛ Kutuu Odase Yemi He: Ke o ná zugba kpɔ nɛ e kɛ o nítsumi he kɛ we ɔ, o ma nyɛ maa ngɔ o he jɔɔmi be ɔ kɛ fiɛɛ loo ke o kpa nítsumi ɔ, o kɛ fiɛɛlɔ ko nɛ e nítsumi he ɔ kɛ o nɔ ɔ he kɛ we ɔ ma nyɛ maa fiɛɛ loko o maa ya we mi. Ke o ná zugba kpɔ nɛ e kɛ o we he kɛ we ɔ, o kɛ o weku ɔ ma nyɛ maa ya gbɔkuɛ nya si fiɛɛmi. Ke o yɛ fiɛɛmi yami kpe ɔ, e sa kaa o sɔle kɛ bi Yehowa blɔ tsɔɔmi loko o je fiɛɛmi ɔ sisi. (Filip. 4:6) Jehanɛ ɔ, e sa nɛ o to be nɛ o kɛ maa ya o zugba kpɔ ɔ mi ɔ kɛ be nɛ o kɛ ma fi asafo ɔ kutuu fiɛɛmi yami se ɔ he blɔ nya. E hi saminya kaa wa maa kpe ngɛ wa kuu ɔ mi Hɔ kɛ Hɔgba be mi nɛ nihi fuu kpeɔ kɛ ha fiɛɛmi yami ɔ.
3. Mɛni se namihi lɛ ngɛ zugba kpɔ nɛ o ma ná a he?
3 Se Namihi: Ke o ngɛ zugba kpɔ ɔ, o ngɛ he ko nɛ o ma ya fiɛɛ ngɛ, be tsuaa be nɛ o ma ná be. O ma ná be fuu kɛ fiɛɛ ejakaa o be nyɛɛe gagaa kɛ ya he nɛ a maa kpe ngɛ ɔ loko o ma ya fiɛɛ. Blɔ nya tomi nɛ ɔ ma ha nɛ nihi maa ngɔ a he kɛ wo blɔ gbali a wami loo daa blɔ gbami nítsumi ɔ mi. Akɛnɛ nihi nɛ a bua maa jɔ munyu ɔ he ɔ ngɛ kpɔ ɔ mi nɔuu heje ɔ, e he wɛ kaa o ma ya slaa mɛ konɛ o kɛ mɛ nɛ je Baiblo mi nikasemi sisi. Nihi fuu na kaa fiɛɛmi ngɛ a zugba kpɔ ɔ mi ɔ haa nɛ a leɔ a wetsɛ ɔmɛ saminya nɛ a heɔ mɛ yeɔ, titli ɔ, ke a tsu zugba kpɔ ɔ mi ní si abɔ loko a ngmɛɛ he konɛ ni kpahi nɛ a tsu mi ní ɔ. Anɛ o zugba kpɔ ɔ mi ní nɛ o ma tsu ɔ maa ye bua mo kɛ o weku ɔ nɛ nyɛɛ gbe nyɛ sɔmɔmi nítsumi ɔ nya kulaa lo?—2 Tim. 4:5.