Adafi Fiami

◼ Womi nɛ a kɛ ma ha ngɛ March kɛ April: Hwɔɔmi Mɔ ɔ kɛ Awake! womi tɛtlɛɛ ɔmɛ. Ke nyɛ kpale ya slaa nɔ ko ɔ, nyɛɛ kɛ Baiblo Tsɔɔmi womi ɔ nɛ ha lɛ, aloo nyɛɛ kɛ Bu Mawu Tue loo Bu Mawu Tue Nɛ́ O Hi Si Kɛ Ya Neneene womiyo ɔ eko tsuaa eko nɛ maa hi kɛ ha nɔ ɔ nɛ ha lɛ, nɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi. May kɛ June: Nyɛɛ ngɔ dɛ womi nɛ ke a kɛ tsu ní ɔ, e nuu tso ngɛ nyɛ zugba kpɔ ɔ mi ɔ kɛ tsu ní. Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha.

◼ A maa ye Kaimi ɔ ngɛ Pɛplɛgbi, March 26, 2013. Ke nyɛ asafo ɔ peeɔ nikasemi Pɛplɛgbi ɔ, nyɛɛ hla ligbi kpa ngɛ otsi ɔ mi nɛ nyɛ kɛ pee nikasemi ɔ. Ke e ba kaa a maa po Sɔmɔmi Kpe ɔ mi ɔ, nikɔtɔmahi a kuu ɔ sanehi a he blɔ nya tolɔ ɔ ma nyɛ maa pee tsakemi ngɛ blɔ nya tomi ɔ he konɛ a ngɔ munyuhi nɛ a he ma hia asafo ɔ kɛ piɛɛ Sɔmɔmi Kpe nɛ nyɛ maa pee be kpa ngɛ nyɔhiɔ ɔ mi ɔ he. E sa kaa asafohi nɛ kpokpa nɔ hyɛlɔ ma ba slaa mɛ ɔ nɛ a to be kpa kɛ ha kpe nɛ a peeɔ ngɛ Pɛplɛgbi gbɔkuɛ ɔ.

◼ Asafohi fuu a fiɛɛmi yami he akɔtaa bumi kpɛɔ se. Ke fiɛɛli ngɔ a fiɛɛmi yami he akɔtaa bumi kɛ ha mla a, wa bua jɔɔ he wawɛɛ. Wa ngɛ asafo mi womi ngmali tsuo kaie konɛ a ngɔ fiɛɛmi yami he akɔtaa bumi ɔ kɛ ní nɛmɛ nɛ kpɛ se ɔmɛ kɛ mane mla daa nyɔhiɔ (keji a kɛ guɔ post office, Internet nɔ ngɛ jw.org, loo kɛ guɔ fax nɔma nɛ ɔ [030-2712454]) nɔ ɔ jio.