Fiɛɛmi Munyuhi

Nɛ a kɛ maa je Baiblo mi nikasemi sisi ngɛ kekleekle Hɔ nɛ ngɛ April nyɔhiɔ ɔ mi ɔ nɔ

“Wa ngɛ nihi nɛ waa kɛ mɛ ngɛ kpɔ ɔ mi ɔ he wami woe nɛ a kane a Baiblo ɔmɛ. Se nihi fuu susu kaa Baiblo ɔ sisi numi yee. Anɛ o na kaa e ji anɔkuale lo? [Ngmɛɛ lɛ blɔ nɛ e ha heto.] Moo hyɛ nɔ́ nɛ womi tɛtlɛɛ nɛ ɔ de.” Moo ngɔ April 1 Hwɔɔmi Mɔ ɔ se kɛ tsɔɔ lɛ, nɛ o kɛ lɛ nɛ susu munyu nɛ ngɛ kekle sane bimi ɔ sisi ɔ he, nɛ ke e hí kulaa a, o kane ngmamihi nɛ a tsɛ se ɔ kake. O kɛ womi tɛtlɛɛ ɔmɛ nɛ ha lɛ nɛ o to blɔ nya nɛ o kpale ya slaa lɛ konɛ nyɛ susu sane bimi nɛ nyɛɛ se ɔ he.

Hwɔɔmi Mɔ April 1

“Nɔ tsuaa nɔ nɛ waa kɛ tu munyu ɔ kɛ haomihi kpeɔ. Enɛ ɔ ha e peeɔ nihi fuu kaa wa be nyɛe ma ná bua jɔmi ngɛ si himi mi. Mɛni ji nɔ́ titli nɛ ha we nɛ wa ná bua jɔmi mwɔnɛ ɔ? [Ngmɛɛ lɛ blɔ nɛ e ha heto.] Baiblo ɔ wo si kaa e be kɛe nɛ Mawu ma je haomihi nɛ waa kɛ kpeɔ amlɔ nɛ ɔ kɛ je. [Kane Kpojemi 21:4.] A tsɔɔ jɔɔmihi nɛ wa ma na hwɔɔ se kɛ bɔnɛ wa maa pee ha kɛ ná bua jɔmi ngɛ si himi mi amlɔ nɛ ɔ ngɛ womi nɛ ɔ mi.”

Awake! April

“Yi mi wami ní peepeehi nɛ yaa nɔ ngɛ wehi a mi ɔ ngɛ nɔ yae ngɛ je ɔ mi tsuo. Ni komɛ deɔ ke kusumi, weku nɛ nɔ ko je mi kɛ hɛja jemi nɛ awi yemi ngɛ mi lɛ haa nɛ e baa jã a nɛ. Mɛni ji nɔ́ titli nɛ o susu kaa e haa yi mi wami ní peepeehi yaa nɔ ngɛ wehi a mi? [Ngmɛɛ lɛ blɔ nɛ e ha heto.] Baiblo ɔ tsɔɔ bɔnɛ e sa nɛ huno kɛ e yo nɛ hi si ha. [Kane Efesobi 5:33.] A tsɔɔ bɔnɛ ni komɛ ngɔ Baiblo sisi tomi mlaahi kɛ tsu ní ngɛ a gba si himi mi nɛ a gba si himi ɔ ye manye ha ngɛ womi nɛ ɔ mi.”