Blɔ Nya Tomi Kɛ May 20 Otsi ɔ
OTSI NƐ JE SISI MAY 20
La 42 Kɛ Sɔlemi
□ Asafo Baiblo Mi Nikasemi:
bh yi 11 kk. 12-21 (Hɛngm. 30)
□ Teokrase Sɔmɔmi Sukuu:
Baiblo kanemi: Yohane 8-11 (Hɛngm. 10)
No. 1: Yohane 8:12-30 (Hɛngm. 4 loo nɔ́ nɛ sui jã)
No. 2: Mɛni Níhi Wa Ma Nyɛ Maa Pee Kɛ Po Wa He Piɛ Kɛ Je Lakpa Tsɔɔli A He?—Rom. 16:17; 2 Yohane 9-11 (Hɛngm. 5)
No. 3: Mɛni Heje Nɛ Mawu Wui Mlaa Kɛkɛ Kaa Nihi Tsuo Nɛ Maa Pee Tue Bumi ɔ Nɛ A Hi Si Kɛ Ya Neneene ɔ?—rs-E bf. 307 kk. 3–bf. 308 kk. 1 (Hɛngm. 5)
□ Sɔmɔmi Kpe:
Hɛngm. 10: Blɔhi A Nɔ Nɛ O Maa Gu Kɛ Bli O Sɔmɔmi Nítsumi ɔ Mi—Fã 3. Ní sɛɛmi nɛ a kɛ da Organized womi ɔ bafa 116, kuku 1, kɛ ya si bafa 117, kuku 1 ɔ nɔ. Mo bi fiɛɛlɔ ko nɛ e ya ye bua kɛ ma Matsɛ Yemi Asa ngɛ nyɛ kpɔ ɔ mi ɔ munyu.
Hɛngm. 10: Yehowa Yeɔ Bua Wɔ Konɛ Wa Tsu Nítsumihi Nɛ E Ha Wɔ Ɔmɛ A He Ní. (2 Mose 4:10-12; Filip. 4:13) Ní sɛɛmi nɛ a kɛ da 2013 Yearbook ɔ bafa 101, kuku 3; kɛ bafa 111 kuku 3 kɛ ya si bafa 112, kuku 2 ɔ nɔ. Mo bi tue buli nɛ a tsɔɔ nɔ́ nɛ a kase ngɛ mi.
Hɛngm. 10: “Mɛnɔmɛ Nɛ A Bua Maa Jɔ Enɛ ɔ He?” Sane bimi kɛ heto hami. Mo bi tue buli nɛ a tsɔɔ nítsumi komɛ kɛ amlaalo nítsumi hehi komɛ nɛ ngɛ asafo ɔ zugba kpɔ ɔ mi nɛ a bua maa jɔ munyu pɔtɛɛ ko nɛ a sɛsɛ he ngɛ wa womi tɛtlɛɛ ɔmɛ a mi ɔ he.
La 47 Kɛ Sɔlemi