O Bua Nɛ Jɔ Ngɛ O Hɛ Nɔ Kami ɔ He Je

Hɛ nɔ kami ngɛ kaa osɛkɛ. (Heb 6:19) E yeɔ bua wɔ nɛ wa daa haomihi nɛ a ngɛ kaa oslɔke nguahi a nya. (1Tim 1:18, 19) Ke wa kɔni mi jɔ̃, wa he lo nya níhi a hɛ mi kpata, hiɔ ko ngɛ wɔ haoe, wa suɔlɔ ko gbo, aloo nɔ́ kpa ko ngɛ wɔ haoe ɔ, lɔ ɔ ma nyɛ ma puɛ waa kɛ Yehowa wa kpɛti.

Hemi kɛ yemi kɛ hɛ nɔ kami haa wa náa nɔ mi mami kaa Mawu si womi ɔ maa ba mi. (2Kor 4:16-18; Heb 11:13, 26, 27) Ke wa ngɛ hɛ nɔ kami kaa wa maa ya hiɔwe jio, wa maa hi zugba a nɔ jio, be fɛɛ be ɔ, e sa nɛ wa pue wa yi mi tɛ ngɛ Mawu si womihi nɛ ngɛ Baiblo ɔ mi ɔ he. Lɔ ɔ ma ha nɛ waa kɛ bua jɔmi maa gblee kahi nɛ waa kɛ maa kpe ɔ mi.​—1Pet 1:6, 7.

NYƐƐ HYƐ VIDEO NƐ JI, O BUA NƐ JƆ NGƐ O HƐ NƆ KAMI Ɔ HE JE. LƆ Ɔ SE Ɔ, NYƐ HA SANE BIMI NƐ ƆMƐ A HETO:

• Mɛni he je nɛ e sa kaa waa kase nɔ hyɛmi nɔ́ kpakpa nɛ Mose pee ɔ?

• Mɛni blɔ nya ní tsumi nɛ fɔɔ si ngɛ wekuyihi a nɔ?

• Mɛni ji ní komɛ nɛ nyɛ ma nyɛ maa pee ngɛ nyɛ Weku Mawu Jami ɔ mi?

• Ngɛ mɛni blɔ nɔ nɛ hɛ nɔ kami ma nyɛ maa ye bua mo konɛ o ná kã kɛ da kahi a nya?

• Mɛni jɔɔmihi o ngɛ blɔ hyɛe?