JUETLI NƐ NGƐ MAWU MUNYU Ɔ MI | YOHANE 5-6
O Kɛ Juɛmi Nɛ Da Nɛ Nyɛɛ Yesu Se
Benɛ Yesu de nɔ́ he tomi nɔ́ ko nɛ e he wa ha e kaseli ɔmɛ kaa a maa nu sisi ɔ, a kpɛti ni komɛ a nane tɔ̃tɔ̃ nɛ a kpa e se nyɛɛmi. Se ligbi nɛ be ɔ pɛ nɛ Yesu gu nyakpɛ blɔ nɔ kɛ lɛ mɛ kɛ tsɔɔ kaa e he wami ɔ je Mawu ngɔ. Lɔ ɔ mɛni he je nɛ a nane tɔ̃tɔ̃ ɔ? E ngɛ heii kaa nɔ́ nɛ a ma ná kɛ je Yesu ngɔ ɔ pɛ he je nɛ a ngɛ e se nyɛɛ. A ba nyɛɛ Yesu se ejakaa a suɔ nɛ e ha mɛ a he lo nya hiami níhi.
E sa nɛ wa ti nɔ fɛɛ nɔ nɛ bi e he ke: ‘Mɛni he je nɛ i ngɛ Yesu se nyɛɛe? Anɛ jɔɔmihi nɛ ma ná amlɔ nɛ ɔ kɛ hwɔɔ se ɔ ji nɔ́ titli he je lo? Aloo akɛnɛ i suɔ Yehowa, nɛ i suɔ nɛ ma sa e hɛ mi he je?’
Mɛni he je nɛ eko ɔ, wa nane ma nyɛ maa tɔ̃tɔ̃ ke níhi nɛ nyɛɛ se ɔ ji nɔ́ titli he je nɛ wa sɔmɔɔ Yehowa?
Wa bua jɔɔ ke wa ngɛ Mawu we bi a kpɛti
Wa suɔ nɛ waa hi Paradeiso