“Gbi Kake Pɛ Lɛ A Tuɔ Ngɛ Je ɔ Mi Tsuo”

11:1-4, 6-9

Yehowa gbɛ Babel bi tue gboli ɔmɛ ngɔ fĩa kɛ gu a gbi ɔ nɛ e tsaka a nɔ. Mwɔnɛ ɔ, Yehowa ngɛ asafo kuu ngua ko nɛ a tuɔ gbi slɔɔtoslɔɔtohi nɛ a je je ma amɛ tsuo a mi ɔ nya buae, nɛ e ngɛ mɛ “gbi nɛ he tsɔ” hae konɛ a nyɛ nɛ a ‘fa kue ha lɛ, nɛ a pee a nya kake kɛ sɔmɔ lɛ.’ (Zef 3:9; Kpj 7:9) “Gbi nɛ he tsɔ” nɛ ɔ ji anɔkuale nɛ kɔɔ Yehowa kɛ e yi mi tomihi nɛ ngɛ Baiblo ɔ mi ɔ he.

Loko o ma nyɛ maa kase gbi ehe ko ɔ, e bi ɔ babauu pe munyungu ehehi nɛ o maa kase kɛ wo o yi mi ɔ pɛ. E ma bi nɛ o kase blɔ ehehi nɛ o maa gu nɔ kɛ susu níhi a he. Jã nɔuu kɛ̃ nɛ gbi nɛ he tsɔ nɛ ji anɔkuale ɔ nɛ wa ngɛ kasee ɔ hu tsake ɔ wa juɛmi kɛ wa susumi. (Ro 12:2) Enɛ ɔ ji nɔ́ ko nɛ yaa nɔ nɛ haa nɛ kake peemi hiɔ Mawu we bi a kpɛti.​—1Ko 1:10.