KRISTOFOHI A SI HIMI
Anɛ O Bɔɔ Mɔde Kaa O Maa Na Bɔ Nɛ Yehowa Haa O Sɔlemihi A Heto Ha a Lo?
Nɔ hyɛmi níhi fuu ngɛ Baiblo ɔ mi nɛ tsɔɔ bɔ nɛ Yehowa ha sɔlemihi a heto ha. Ke Mawu we bi na bɔ nɛ Yehowa bu a sɔlemihi tue kaa ni kakaakahi nɛ́ e ye bua mɛ ha a, lɔ ɔ haa nɛ a hemi kɛ yemi ɔ mi waa. Enɛ ɔ he ɔ, ke wa ngɛ sɔlee ha Yehowa a, e maa hi kaa wa ma bi lɛ nɔ́ pɔtɛɛ nɛ wa hia a, nɛ waa bɔ mɔde nɛ wa yɔse heto nɛ e ma ha wɔ ɔ. Ha nɛ e hi o juɛmi mi kaa eko ɔ, bɔ nɛ Yehowa ma ha o sɔlemi ɔ heto ha a maa je ekpa aloo e maa pee pe nɔ́ nɛ o bi lɛ ɔ po. (2Ko 12:7-9; Efe 3:20) Mɛni Yehowa ma nyɛ maa pee ha wɔ kɛ ha wa sɔlemihi a heto?
Ke waa kɛ nyagba ko ngɛ kpee ɔ, Yehowa maa ye bua wɔ ngɛ nɔmlɔ tso mi, he numi mi, loo mumi mi konɛ wa kɛ da nya.—Flp 4:13
E ma ha wɔ juɛmi nɛ wa kɛ mwɔ yi mi kpɔ nɛ da.—Yak 1:5
E ma ha wɔ nyɛmi kɛ he wami nɛ wa kɛ pee níhi.—Flp 2:13
Ke wa pee yeyeeye ɔ, e ma ha nɛ wa tsui maa nɔ wa mi.—Flp 4:6, 7
E maa gu wa nyɛmimɛ a nɔ kɛ ha wɔ níhi nɛ wa hia, loo kɛ wo wa bua nɛ́ a wo wɔ he wami.—1Yo 3:17, 18
NYƐƐ HYƐ VIDEO NƐ JI, YEHOWA ‘BUƆ SƆLEMI TUE,’ LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni blɔ nɔ nɛ Nyɛminyumu Shimizu níhi a si kpami ɔ maa wo wɔ he wami ke wa nyɛ we nɛ waa pee babauu akɛnɛ wa be nɔmlɔ tso mi he wami kpakpa a he je?
Kɛ wa ma plɛ kɛ kase Nyɛminyumu Shimizu nɔ hyɛmi nɔ́ ɔ ha kɛɛ?