NOVEMBER 3-9

JUETLI NƐ NGƐ MAWU MUNYU Ɔ MI

1. Sane Ko Nɛ Ya Nɔ Nɛ Kɔɔ Suɔmi Nɛ Se Pui He

(Hɛngm. 10)

[Mo Je Lahi A Mi La Womi ɔ He VIDEO ɔ.]

Salomo je Shulam yiheyo ɔ yi wawɛɛ nɛ e wo lɛ si kaa e ma ha lɛ nike ní babauu nɛ a he jua wa (Lah 1:9-11)

Suɔmi nitsɛnitsɛ nɛ Shulam yiheyo ɔ ngɛ kɛ ha to hyɛlɔ niheyo ɔ ye bua lɛ nɛ e ya nɔ nɛ e ye lɛ anɔkuale (Lah 2:16, 17; w15 1/15 29-30 ¶9-10)

Shulam yiheyo ɔ nɛ e kua Matsɛ Salomo nine fɔmi kaa e kɛ lɛ nɛ ya e bo tsu ɔ mi ɔ, nɛ e plɛ e se wo lɛ nɛ e tsa e nine kɛ wo e he. Salomo sɔmɔli etɛ daa si ngɛ bo tsu ɔ hɛ mi nɛ a hɛɛ papami, tsesi kɛ tɔ ngɛ a dɛ mi.

GA WOMI: Ke o ngɛ Lahi A Mi La womi ɔ kanee ɔ, ngɔɔ “Mi Munyuhi” nɛ ngɛ Je Ehe Sisi Tsɔɔmi ɔ mi ɔ kɛ tsu ní konɛ o na nɔ tutuutu nɛ e ngɛ munyu ko tue ɔ.

2. Ngmami ɔ Mi Junehi

(Hɛngm. 10)

Lah 2:7—Mɛni he je nɛ Shulam yiheyo ɔ sane ɔ ji nɔ hyɛmi nɔ́ kpakpa kɛ ha Kristofohi nɛ a sɛ we gba si himi mi ɔ? (w15 1/15 30 ¶11)

O heto
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

O heto

3. Baiblo Kanemi

(Hɛngm. 4) Lah 2:1-17 (th ní kasemi 12)

MOO BƆ FIƐƐMI NÍ TSUMI Ɔ HE MƆDE

4. Moo Je Ní Sɛɛmi Sisi

(Hɛngm. 3) WEHI A MI FIƐƐMI. O kɛ nɔ ɔ nɛ susu anɔkuale ko nɛ ngɛ Moo Suɔ Nihi womiyo ɔ mi tsɔɔmi munyu (A) mi ɔ he. (lmd ní kasemi 1 oti 3)

5. Kpale Ya Slaa Nihi Nɛ O Kɛ Mɛ Sɛɛ Ní ɔ

(Hɛngm. 4) O KƐ NƆ Ɔ SƐƐ NÍ HYƐ BENƐ O NGƐ FIƐƐE NGƐ WEHI A MI. Nyɛ susu anɔkuale ko nɛ ngɛ Moo Suɔ Nihi womiyo ɔ mi tsɔɔmi munyu (A) mi ɔ he. (lmd ní kasemi 9 oti 3)

6. Moo Pee Nihi Kaseli

(Hɛngm. 5) lff ní kasemi 18 nya blimi munyu kɛ oti 1-3 (th ní kasemi 8)

KRISTOFOHI A SI HIMI

7. “A Maa Jɔɔ Nɔ Nɛ Haa Nɔ Nɔ́ Faa”

(Hɛngm. 15) Ní sɛɛmi nɛ asafo mi nɔkɔtɔma ma tsu he ní.

Ke wa ngɔ wa be kɛ níhi nɛ wa ngɛ ɔ kɛ ye bua ni kpahi ɔ, wa ma ná jɔɔmi babauu. Ngɛ anɔkuale mi ɔ, nɔ nɛ jeɔ hɛsa kpo ɔ bua maa jɔ ngɛ nike ní ɔ nɛ wa ha lɛ ɔ he. Se kɛ̃ ɔ, nɔ nɛ haa nɔ nɔ́ ɔ hu náa bua jɔmi. (Abɛ 22:9) Akɛnɛ e ngɛ e Bɔlɔ ɔ kasee he je ɔ, e ma ná bua jɔmi, se pi lɔ ɔ pɛ, Yehowa maa kplɛɛ e nɔ hulɔ.—Abɛ 19:17; Yak 1:17.

Jokuɛ yoyo ko nɛ e kɛ sika ngɛ yemi kɛ buami daka a mi woe.

Nyumu ko nɛ e ngɛ yemi kɛ buami nɛ e kɛ ma ha daa nyɔhiɔ ɔ he blɔ nya toe ngɛ e tablɛti ɔ nɔ.

Je VIDEO Nɛ Ji, Nɔ Nɛ Keɔ Nɔ Nɔ́ ɔ Ngɛ Bua Jɔmi. Lɔ ɔ se, mo bi tue buli ɔmɛ ke:

Kɛ nyɛmimɛ nɛ wa na ngɛ video ɔ mi ɔ ná bua jɔmi ha kɛɛ benɛ nyɛmimɛ nɛ a ngɛ je kɛ wɛ ɔ je mi mi jɔmi kpo kɛ tsɔɔ mɛ ɔ?

O heto
Mɛni blɔ nɔ nɛ nyɛmimɛ ɔmɛ nɛ́ a je mi mi jɔmi kpo ɔ hu ná bua jɔmi?

O heto

8. Asafo Baiblo Mi Ní Kasemi

(Hɛngm. 30) lfb ní kasemi 32-33