DECEMBER 22-28
YESAYA 11-13
La 14 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Mɛni Baiblo ɔ De Kɛ Kɔ Mesia a He?
(Hɛngm. 10)
E ma ba pee Yese nina kɛ gu e binyumu David nɔ (Yes 11:1; ip-1 159 ¶4-5)
E ma ná Mawu mumi ɔ nɛ e maa ye Yehowa gbeye (Yes 11:2, 3a; ip-1 159 ¶6; 160 ¶8)
E kɛ dami kɛ mɔbɔ nami maa kojo (Yes 11:3b-5; ip-1 160 ¶9; 161 ¶11)
KƐ HA YI MI TƐ PUEMI: Mɛni ha nɛ Yesu nɔ kuɔ pe adesa nɔ yeli ɔ?
2. Ngmami ɔ Mi Junehi
(Hɛngm. 10)
Yes 11:10—Kɛ gbami nɛ ɔ plɛ kɛ ba mi ha kɛɛ? (ip-1 165-166 ¶16-18)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Yes 11:1-12 (th ní kasemi 11)
4. Moo Je Ní Sɛɛmi Sisi
(Hɛngm. 3) WEHI A MI FIƐƐMI. (lmd ní kasemi 2 oti 5)
5. Kpale Ya Slaa Nihi Nɛ O Kɛ Mɛ Sɛɛ Ní ɔ
(Hɛngm. 4) O KƐ NƆ Ɔ SƐƐ NÍ HYƐ BENƐ O NGƐ MA NƆ ODASE YEE. Moo ngɔ jw.org ɔ kɛ ha sane ko nɛ e bi mo ɔ heto. (lmd ní kasemi 8 oti 3)
6. Moo Pee Nihi Kaseli
(Hɛngm. 5) Ye bua o Baiblo kaselɔ ɔ nɛ e dla e he kɛ ha wehi a mi fiɛɛmi ní tsumi ɔ konɛ o kɛ lɛ nɛ ya. (lmd ní kasemi 11 oti 4)
La 57
7. Anɛ O ‘Kojoɔ Ngɛ Dami Mi Lo’?
(Hɛngm. 15) Ní Sɛɛmi.
Daa ligbi ɔ, wa kojoɔ nihi, nɛ be komɛ ɔ, wa peeɔ jã nɛ́ wa li po. Behi fuu ɔ, wa daa níhi nɛ wa naa a nɔ kɛ kojoɔ nihi. Se Yesu, nɔ nɛ wa ngɛ lɛ kasee ɔ kojoɔ ngɛ blɔ kpa nɔ kulaa. (Yes 11:3, 4) Yesu nyɛɔ naa nɔ́ nɛ ngɛ nɔ ko tsui mi, nɛ e leɔ nɔ ɔ susumi, kɛ yi mi tomi he je nɛ e peeɔ ní komɛ. Wɔɔ lɛɛ wa be jamɛ a nyɛmi ɔ. Se kɛ̃ ɔ, wa ma nyɛ maa pee nɔ́ fɛɛ nɔ́ nɛ wa ma nyɛ kɛ kase Yesu. E de ke: “Nyɛ kpa níhi nɛ hɛngmɛ naa a nɔ dami kɛ kojo, mohu ɔ, nyɛɛ kojo dami kojomi.”—Yo 7:24.
Ke wa daa níhi nɛ wa naa a nɔ kɛ kojoɔ nihi ɔ, lɔ ɔ ma nyɛ maa sa kã nɛ waa kɛ tsuɔ fiɛɛmi ní tsumi ɔ kɛ bɔ nɛ wa tsuɔ lɛ saminya ha a he. Kaa nɔ hyɛmi nɔ́ ɔ, anɛ e yeɔ ha wɔ kaa wa maa fiɛɛ ha nihi ngɛ zugba kpɔhi nɛ́ e slo wɛtso kɛ jami mi nɛ a ngɛ ɔ lo? Nɛ ke e ba lɛ ngɛ zugba kpɔhi nɛ nihi nɛ a ngɛ mi ɔ ngɛ sika loo a be sika a hu nɛɛ? Anɛ bɔ nɛ nɔ ko ngɛ ha ngɛ kpo nɔ blɔ ɔ ma ha nɛ wa ná susumi ɔ kaa e bua be munyu ɔ he jɔe lo? Mawu suɔmi nya ní ji kaa “a he nimli slɔɔtohi tsuo a yi wami nɛ a ba ná anɔkuale ɔ he nile nitsɛnitsɛ ɔ.”—1Ti 2:4.
Je VIDEO Nɛ Ji, Níhi Nɛ Wa Kase Ngɛ Hwɔɔmi Mɔ ɔ Mi—Koo Da Níhi Nɛ Hɛngmɛ Naa a Nɔ Kɛ Kojo. Lɔ ɔ se ɔ, mo bi tue buli ɔmɛ ke:
Mɛni nɔ hɛ mi hyɛmi su komɛ nɛ a wo ta ngɛ video ɔ mi?
Ke wa ha nɛ nɔ hɛ mi hyɛmi sɛ asafo ɔ mi ɔ, kɛ e maa sa asafo ɔ he ha kɛɛ?
Mɛni lɛ ye bua nyɛmimɛ ɔmɛ nɛ́ a bi mɛ munyu ɔ nɛ a kua kaa a maa da bɔ nɛ nɔ ko ngɛ ha ngɛ kpo nɔ blɔ ɔ nɔ kɛ kojo lɛ?
Mɛni níhi o kase ngɛ Hwɔɔmi Mɔ ɔ mi?
8. Asafo Baiblo Mi Ní Kasemi
(Hɛngm. 30) lfb ní kasemi 46-47