Moo Po Baiblo Mi Sanehi A He Foni Ngɛ O Juɛmi Mi

Baiblo ɔ mi hyi tɔ kɛ yi nɔ sane munyuhi nɛ tsɔɔ nɔ ní. Ke wa poɔ níhi nɛ a ya nɔ ngɛ Baiblo ɔ mi ɔ he foni ngɛ wa juɛmi mi ɔ, e maa ye bua wɔ konɛ waa nu níhi nɛ wa kaneɔ sisi saminya, nɛ wa ma ná he se wawɛɛ. Moo hyɛ ní komɛ nɛ maa ye bua mo konɛ o nyɛ nɛ o pee jã.

• Moo kane munyu ɔmɛ nɛ a je kpo. Ke o pee jã a, e maa ye bua mo konɛ o po níhi nɛ ya nɔ ɔmɛ a he foni saminya. Ke nyɛ ngɛ Baiblo ɔ kanee kaa weku ɔ, nyɛ ma nyɛ ma gba nihi nɛ nyɛ ngɛ a he sane kanee ɔ kɛ ha nyɛ he. Lɔ ɔ ma ha nɛ sane ɔ maa pee kaa nɔ́ ko nɛ ngɛ nɔ yae nitsɛnitsɛ.

• Ngɔɔ o he kɛ wo ni ɔmɛ a si fɔfɔɛ ɔ mi. Moo bɔ mɔde kaa o maa nu he kaa bɔ nɛ nihi nɛ o ngɛ a he ní kanee ɔ nu he ɔ. Kaa nɔ hyɛmi nɔ́ ɔ, mo bi o he ke: ‘Mɛni he je nɛ nɔ ɔ tu munyu loo e pee e ní kikɛ nɛ ɔ? Ke imi lɛ i ngɛ jamɛ a si fɔfɔɛ ɔ mi ɔ, kɛ i ko nu he ha kɛɛ?’

• Mo tɛni bɔ nɛ níhi ya nɔ ha a. Ke o tɛniɔ Baiblo mi sanehi ɔ, e maa ye bua mo konɛ o po níhi nɛ ya nɔ ɔ he foni saminya, nɛ o hɛ be nɔ jee kɔkɔɔkɔ, ke eko ɔ nɔ́ nɛ o tɛni ɔ be fɛu po.