NƆ́ NƐ A MAA KASE

Baiblo ɔ woɔ wɔ he wami kaa e sa nɛ waa nyɛɛ Yesu nɔ hyɛmi nɔ́ ɔ se haa. (1 Petro 2:21) Anɛ wɔ adesahi nɛ wa yi mluku ɔ ma nyɛ maa nyɛɛ Yesu nɔ hyɛmi nɔ́ ɔ se pɛpɛɛpɛ lo? Kekleekle munyu nɛ wa maa kase ɔ maa tsɔɔ wɔ bɔ nɛ wa ma plɛ kɛ ba wa he si, nɛ wa mi mi nɛ sã wɔ ngɛ nihi a he kaa bɔ nɛ Yesu pee ɔ. Munyu enyɔne ɔ hu maa tsɔɔ wɔ bɔ nɛ wa ma plɛ kɛ pee kã, nɛ wa kɔ nɔ́ se kaa bɔ nɛ Yesu pee ɔ.

Kekleekle munyu nɛ wa maa kase ɔ tsɔɔ bɔ nɛ Yehowa ye bua Yesu kaseli ɔmɛ nɛ a fiɛɛ sane kpakpa a ha. Munyu enyɔne ɔ hu tsɔɔ ní komɛ nɛ yeɔ bua wɔ mwɔnɛ ɔ nɛ wa nyɛɔ tsɔɔ nihi Mawu Matsɛ Yemi ɔ he ní ngɛ je kɛ wɛ.