NƆ́ NƐ A MAA KASE

Mɛni he je nɛ e he hia kaa asafo mi nikɔtɔmahi nɛ a tsɔse nyɛmimɛ nyumuhi nɛ a be níhi a si kpami fuu ɔ? Mɛni blɔhi a nɔ lɛ ke a gu kɛ tsɔse mɛ ɔ, e maa wo yiblii? Mɛni asafo mi nikɔtɔmahi kɛ nihi nɛ a tsɔseɔ mɛ ɔ ma nyɛ maa kase kɛ je gbalɔ Samuel, gbalɔ Eliya, kɛ gbalɔ Elisha a he? Wa ma susu sane bimi nɛ ɔmɛ a he ngɛ munyu enyɔ nɛ ɔmɛ a mi.

Ke huɛ bɔmi gbagbanii ngɛ waa kɛ Yehowa wa kpɛti ɔ, wa ma nyɛ maa da kahi a nya. Munyu enyɔ nɛ ɔmɛ maa tsɔɔ wɔ níhi nɛ ke wa peeɔ ɔ, huɛ bɔmi nɛ ngɛ waa kɛ Yehowa wa kpɛti ɔ mi maa wa. E he hia nɛ waa kɛ Yehowa nɛ sɛɛ ní daa, nɛ waa kɛ wa hɛ hu nɛ fɔ e nɔ be tsuaa be.