Munyu nɛ ɔmɛ kɔɔ nyakpɛ níhi nɛ Yesu pee ɔ a he. Nyakpɛ ní nɛ ɔmɛ maa tsɔɔ wɔ blɔhi a nɔ nɛ wa maa gu kɛ ha nɔ nɔ́ faa, nɛ waa ye bua nihi. Wa ma susu Yesu su kpakpa amɛ ekomɛ hu a he. Munyu nɛ ɔmɛ ma ha wa ma ná hɛ kɛ nɔ fɔmi kaa e be kɛe kulaa nɛ wa maa na nyakpɛ ní nguanguahi ngɛ zugba a tsuo nɔ.

▪ Wa Ma Nyɛ Maa Hɛɛ He Tsɔmi Mi

Je ɔ hyi tɔ kɛ ní yayahi, enɛ ɔ he ɔ, e ma nyɛ maa ye ha wɔ kaa wa he ma tsɔ konɛ waa pee Yehowa suɔmi nya ní. Munyu nɛ ɔ tsɔɔ kaa ke huɛ bɔmi gbagbanii ngɛ waa kɛ Yehowa wa kpɛti, wa buɔ ga womi nɛ ngɛ e Munyu ɔ mi ɔ tue, nɛ wa haa nɛ Kristofohi nɛ a nane pi si ɔ yeɔ bua wɔ ɔ, wa ma nyɛ maa yu wa he ngɛ akɔnɔ yayahi a he.

▪ O Kɛ Sɔlemi He Nɔ Hyɛmi Nɔ́ ɔ Mi Munyu Nɛ Tsu Ní—Fã 1

▪ O Kɛ Sɔlemi He Nɔ Hyɛmi Nɔ́ ɔ Mi Munyu Nɛ Tsu Ní—Fã 2

Be tsuaa be nɛ wa maa sɔle ɔ, tsa pi munyu nɛ ngɛ Yesu sɔlemi he nɔ hyɛmi nɔ́ ɔ mi ɔ mi nɛ wa tĩɔ, se wa ma nyɛ maa kase níhi nɛ a he hia ngɛ mi. Munyu enyɔ nɛ ɔmɛ maa tsɔɔ wɔ bɔ nɛ wa maa pee konɛ waa kɛ munyu nɛ ngɛ sɔlemi he nɔ hyɛmi nɔ́ ɔ mi ɔ nɛ tsu ní.

MUNYU KPAHI HU NƐ NGƐ MI

19 “E Hia Kaa Nyɛɛ To Nyɛ Tsui Si”

WOMI Ɔ HƐ MI: Nyɛmimɛ komɛ ngɔɔ lɛhi kɛ yaa Bocas del Toro Archipelago wo kpɔ ɔmɛ nɛ a ngɛ Panama yiti je ngɛ pusinɔ he blɔ wo ɔ kasa nya a, nɛ a ya fiɛɛɔ kɛ haa nihi ngɛ lejɛ ɔ. A fiɛɛɔ ha ni ɔmɛ a ti ni komɛ ngɛ Ngabere gbi ɔ mi

PANAMA

MA BI A YIBƆ

3,931,000

FIƐƐLI

16,217

DAA BLƆ GBALI

2,534

Asafohi 309 nɛ ngɛ Panama. A ngɛ blɔ gbali klɛdɛɛ nɛ a hiɛ pe 180. A ngɛ Ngabere asafohi 35, kɛ kuuhi 15, kɛ fiɛɛli maa pee 1,100. A ngɛ Panama Mumuihi asafo 16, kɛ kuuhi 6, kɛ fiɛɛli maa pee 600