Ni Kasemi 13
Kɛ O Maa Pee Kɛɛ Kɛ Na Anɔkuale Jami ɔ?
Anɛ jami tsuo sa Mawu hɛ mi, aloo kake too pɛ? (1)
Mini he je nɛ jamihi fuu deɔ kɛ Kliistofoli ji mɛ? (2)
Kɛ o maa pee kɛɛ kɛ le anɔkuale Kliistofoli ɔmɛ? (3-7)
1. Yesu je anɔkuale Kliistofohi a jami kake pɛ sisi. Lɔɔ he je ɔ, e sa nɛ Yehowa Mawu jali anɔkuafohi asafo, aloo kuu kake too pɛ nɛ hi si. (Yohane 4:23, 24; Efesobi 4:4, 5) Baiblo ɔ tsɔɔ kaa nimli bɔbɔyoo ko pɛ lɛ ngɛ blɔ kotokoto nɛ kɛ nɔ yaa yi wami nami mi ɔ nɔ.—Mateo 7:13, 14.
2. Baiblo ɔ gba kɛ fɔ si kaa ngɛ bɔfo ɔmɛ a gbenɔ se ɔ, tsɔɔmihi nɛ a dɛ kɛ jemi ba nɛ e sɛ Kliistofohi maa sɛ Kliistofohi asafoɔ mi nigii. Nimli maa sisi hemi kɛ yemi ɔ mi bi kɛ nyɛɛ a se pe Kliisto. (Mateo 7:15, 21-23; Bɔfoi Asane 20:29, 30) E nɔ he je nɛ wa naa jami slɔtoi fuu nɛ a deɔ kɛ Kliistofohi ji mɛ nɛ. Kɛ wa maa pee kɛɛ kɛ le anɔkuale Kliistofoli ɔmɛ?
3. Anɔkuale Kliistofohi a he okadi titli ji suɔmi nitsɛ nɛ ngɛ a kpɛti. (Yohane 13:34, 35) A tsɔ we mɛ kaa a susu kaa a hi pe adesa weku kpahi aloo helo nɔ su mi bi kpahi. Nɛ a tsɔɔ we mɛ kaa a nyɛ ma kpahi a mi bi. (Bɔfoi Asane 10:34, 35) Lɔɔ he je ɔ, a kɛ a he wui ta hwumi mi. Anɔkuale Kliistofohi kɛ a kpɛti nɔ tsuaa nɔ hii si kaa nyɛmi mɛ nyumuhi kɛ yihi.—1 Yohane 4:20, 21.
4. Anɔkuale jami he okadi kpa ko ji kaa e mi bi ɔmɛ ngɛ bu nɛ mi kuɔ kɛ ha Baiblo ɔ. A kplɛ nɔ kaa e ji Mawu Munyu, nɛ a he ɔ nɔ nɛ e de ɔ ye ɔ. (Yohane 17:17; 2 Timoteo 3:16, 17) A buu Mawu Munyu ɔ kaa e he hia pe adesa ni lemi aloo kusumihi. (Mateo 15:1-3, 7-9) A bɔɔ mɔde nɛ a hi si ngɛ Baiblo ɔ nya ngɛ daa ligbi si himi mi. Lɔɔ he je ɔ, a fiɛ we nɔ kpa nɛ a pee nɔ kpa.—Tito 1:15, 16.
5. E sa nɛ anɔkuale jami ɔ je Mawu biɛ yi. (Mateo 6:9) Yesu ha nɛ ni kpahi le Mawu biɛ nɛ ji Yehowa. E sa nɛ anɔkuale Kliistofohi pee ja kɛ. (Yohane 17:6, 26; Romabi 10:13, 14) Mɛnɛ mɛ lɛ a ngɛ o huza nɔ nɛ a gbaa ni kpahi Mawu biɛ he sane ɔ?
6. E sa nɛ anɔkuale Kliistofohi fiɛ Mawu Matsɛ Yemi ɔ kɛ tsɔɔ. Yesu pee ja. E tu Matsɛ yemi ɔ he munyu be fɛɛ be. (Luka 8:1) E tsɔɔ e kaseli ɔmɛ nɛ a fiɛ munyu nɔ ngɛ zugba nɔ tsuo. (Mateo 24:14; 28:19, 20) Anɔkuale Kliistofohi he ɔ ye ɔ kaa Mawu Matsɛ Yemi ɔ pɛ lɛ e kɛ anɔkuale tue mi jɔmi kɛ omanye si himi maa ba zugba nɔ nɔ.—Lala 146:3-5.
7. E sa nɛ Yesu kaseli ɔmɛ pee nimli nɛ a jii je nɔ mi. (Yohane 17:16) A kɛ a he wui je ɔ ma mi kwrami ni peepee kɛ nimli a kpɛti pɛi a mi. A kua jemi ba nɛ yeɔ nɔ awi, ni peepee kɛ subai yayami nɛ e pɔ he ngɛ je ɔ mi ɔ. (Yakobo 1:27; 4:4) Anɛ o ma nyɛ maa na asafo ko ngɛ nyɛ huza nɔ nɛ a ngɛ anɔkuale Kliistofohi a kadimi ni nɔ mɛ e ko lo?
[Fonihi ngɛ ba fa 26, 27]
Anɔkuale Kliistofohi suɔ a he, a buu Baiblo ɔ, nɛ a fiɛ Mawu Matsɛ yemi ɔ