Mɛni Jɔɔmihi Lɛ Nihi Nɛ A Buɔ Mawu Tue ɔ Ma Ná?

A ma tle gbogboehi fuu si kɛ ba wami mi ekohu ngɛ zugba a nɔ. Bɔfo Ɔmɛ A Ní Tsumi 24:15

Ke o bu Yehowa tue ɔ, mo susu jɔɔmihi nɛ o ma ná hwɔɔ se ɔ a he nɛ o hyɛ! O ma ná nɔmlɔ tso mi he wami kpakpa​—nɔ ko be hiɔ nue nɛ nɔ ko be gbɔjɔe hulɔ. Nimli yayamihi be si hie hu​—o ma nyɛ ma he nɔ tsuaa nɔ maa ye.

Nɔ ko be nɔ́ nae, nɛ nɔ ko be aywilɛho yee, nɛ nɔ ko be ya foe hu. Nɔ ko be bwɔe nɛ nɔ ko be gboe hu.

Huɛmɛ kɛ weku li maa bɔle mo kɛ kpe. Paradeiso ɔ mi si himi maa pee bua jɔmi nitsɛnitsɛ.

Gbeye yemi ko kulaa be si hie hu. Nihi a bua maa jɔ a he saminya.

Mawu Matsɛ Yemi ɔ ma ha nɛ nɔ ko be nɔ́ nae hu. Kpojemi 21:3, 4