Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • yc ní kasemi 11 bf. 24-25
  • A Ngma Yesu He Munyu

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • A Ngma Yesu He Munyu
  • Tsɔɔ O Bimɛ Ní
  • Munyu Nɛ Ngɛ Kaa Enɛ ɔ
  • ‘A Ji Nihi Nɛ A Yɛ Sukuu Kɛ Nimli Guhi Kɛkɛ’
    “Ye Mawu Matsɛ Yemi ɔ He Odase Kɛ Pi Si”
  • Mɛnɔ Ji Yesu Kristo?
    Mɛni Baiblo ɔ Ma Nyɛ Maa Tsɔɔ Wɔ?
  • O Ma Nyɛ Maa Ya Nɔ Nɛ O Ye Anɔkuale Kaa Petro
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Nɔ́ Nɛ A Maa Kase)—2023
Tsɔɔ O Bimɛ Ní
yc ní kasemi 11 bf. 24-25
Nihi nɛ a ngma Yesu si himi he sane—Mateo, Marko, Luka, Yohane, Petro, Yakobo, Yuda, kɛ bɔfo Paulo

NÍ KASEMI 11

A Ngma Yesu He Munyu

O na nyumu ɔmɛ ngɛ foni ɔ mi ɔ lo?— Mɛ ji Mateo, Marko, Luka, Yohane, Petro, Yakobo, Yuda kɛ Paulo. Nyumuhi nɛ ɔmɛ tsuo a kɛ Yesu hi si ngɛ be kake mi, nɛ a ngma Yesu he munyu. Mo ha nɛ waa kase a he ní.

Mɛni o le ngɛ nimli nɛ ɔmɛ a he?

A kpɛti nihi etɛ ji Yesu bɔfohi nɛ a piɛɛ e he kɛ fiɛɛ Mawu munyu ɔ. O le nihi etɛ nɛ ɔmɛ lo?— Mateo, Yohane kɛ Petro. Bɔfo Mateo kɛ bɔfo Yohane le Yesu saminya, nɛ a ti nɔ tsuaa nɔ ngma Yesu si himi he womi. Bɔfo Yohane ngma womi ko nɛ a tsɛɛ lɛ Kpojemi, kɛ sɛ womi etɛ nɛ ji Yohane Kekleekle Womi, Yohane Womi Enyɔne, kɛ Yohane Womi Etɛne. Bɔfo Petro hu ngma sɛ womi enyɔ nɛ ngɛ Baiblo ɔ mi ɔ. A tsɛɛ mɛ ke Petro Kekleekle Womi kɛ Petro Womi Enyɔne. Ngɛ Petro womi enyɔne ɔ mi ɔ, e ngma benɛ Yehowa tu munyu kɛ je hiɔwe nɛ e de ngɛ Yesu he ke: ‘Ye bi ji nɛ ɔ nɛ. I suɔ e sane, nɛ i bua jɔ e he.’

Nyumu kpa amɛ nɛ a ngɛ foni ɔ mi ɔ hu tsɔɔ wɔ Yesu he ní ngɛ womihi nɛ a ngma amɛ a mi. A ti nɔ kake ji Marko. Eko ɔ, be mi nɛ a nu Yesu ɔ, e ngɛ lejɛ ɔ nɛ e na nɔ́ nɛ ya nɔ ɔ tsuo. Luka hu ji a ti nɔ kake. E ji dɔkita nɛ eko ɔ, benɛ Yesu gbo se loko e ba pee Kristofono.

Baiblo ngmali enyɔ nɛ a piɛ ngɛ foni ɔ mi ɔ a ji Yesu senihi. O le a biɛhi lo?— A tsɛɛ mɛ ke Yakobo kɛ Yuda. Sisije ɔ, a be hemi kɛ yemi ngɛ Yesu mi. A susu kaa Yesu ngɛ godo nue po. Se, pee se ɔ, a ná hemi kɛ yemi ngɛ Yesu mi nɛ a ba pee Kristofoli.

Nyagbe Baiblo ngmalɔ nɛ o na ngɛ foni ɔ mi ɔ ji Paulo. Loko e ba pee Kristofono ɔ, a tsɛɛ lɛ ke Saulo. E sume Kristofoli a sane nɛ e wa mɛ yi mi. O le nɔ́ heje nɛ Paulo suɔ kaa e maa pee Kristofono ɔ lo?— Ligbi ko ɔ, Paulo ngɛ blɔ hiae, nɛ benɛ e ngɛ blɔ ɔ nɔ kɛ yaa a, tlukaa nɛ e nu nɛ nɔ ko tu munyu kɛ je hiɔwe. Yesu lɛ tu munyu ɔ nɛ! E bi Paulo ke: ‘Mɛni heje nɛ o ngɛ nihi nɛ a he mi ye ɔ yi mi wae ɔ?’ Kɛ je lɔɔ se ɔ, Paulo tsake nɛ e ba pee Kristofono. Paulo ngma womi 14 ngɛ Baiblo ɔ mi, kɛ je Romabi a womi ɔ kɛ ya si Hebribi a womi ɔ nɔ.

Wa kaneɔ Baiblo ɔ daa ligbi, pi jã lo?— Ke wa kase Baiblo ɔ, wa maa le Yesu he ní fuu. Anɛ o suɔ nɛ o maa kase Yesu he ní fuu lo?—

KANE NGƐ O BAIBLO Ɔ MI

  • 2 Petro 1:16-18

  • Marko 3:21; 14:51

  • Yuda 1

  • Bɔfo Ɔmɛ A Nítsumi 9:1-18

SANE BIMIHI:

  • Yesu bɔfo ɔmɛ a kpɛti te nɛɛ lɛ a ngma e he munyu?

  • Nihi nɛ a ngma Baiblo ɔ, a kpɛti mɛnɔmɛ ji Yesu senihi?

  • Kɛ e ba kɛɛ nɛ Paulo ba pee Kristofono?

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane