Fã 5 ɔ Nya Blimi Munyu

Israel bi ɔmɛ po Wo Tsu ɔ. Nyɔhiɔ enyɔ se ɔ, a ya su Sinai Yoku ɔ he. Yehowa kɛ mɛ so ngɛ lejɛ ɔ kaa a maa pee ma nɛ e hla kɛ ha e he. Yehowa bu a he nɛ e ha mɛ nɔ́ fɛɛ nɔ́ nɛ hia mɛ. Kaa nɔ hyɛmi nɔ́ ɔ, e ha mɛ mana nɛ a ye, a tade ɔmɛ gba we ngɛ a he, nɛ e ha mɛ he kpakpahi nɛ a hi. Ke o ji fɔlɔ ɔ, moo ye bua o bi ɔ konɛ e na nɔ́ he je nɛ Yehowa ha Israel bi ɔmɛ Mlaa a, kpe he bo tsu ɔ, kɛ osɔfo yemi blɔ nya tomi ɔ. Moo tsɔɔ lɛ nɔ́ he je nɛ e sa kaa waa ye wa si womi nɔ, nɛ waa ba wa he si, nɛ waa ye Yehowa anɔkuale daa.