Moo Je O Munyu ɔ Sisi Saminya

Ní Tsumi 17:22

OTI: Munyu nɛ o kɛ maa je sisi ɔ nɛ tle o tue buli ɔmɛ a bua jɔmi si, e kɛ o munyuyi ɔ nɛ kɔ, nɛ e ha nɛ tue buli ɔmɛ nɛ a na nɔ́ he je nɛ e sa nɛ a bua nɛ jɔ munyu ɔ he.

BƆ NƐ O MAA PEE LƐ HA:

• Mo tle tue buli ɔmɛ a bua jɔmi si. O ma nyɛ maa ngɔ sane bimi ko, munyu kpiti ko, níhi a si kpami ko, aloo amaniɛ bɔmi ko nɛ tue buli ɔmɛ a bua maa jɔ he ɔ kɛ tsu ní.

• Ha nɛ e kɛ o munyuyi ɔ nɛ kɔ. Munyu nɛ o kɛ maa je sisi ɔ nɛ ha nɛ o tue buli ɔmɛ nɛ a na o munyuyi ɔ kɛ nɔ́ he je nɛ o yaa tu jamɛ a munyu ɔ.

• Tsɔɔ mɛ nɔ́ he je nɛ munyu ɔ he hia. Ha nɛ o munyu ɔ kɛ tue buli ɔmɛ a hiami níhi nɛ kɔ. E sa nɛ a na bɔ nɛ munyu ɔ maa ye bua mɛ ha ngɛ a si himi mi.