NÍ KASEMI 11

Moo Tu Munyu Kɛ Kã

Roma Bi 12:11

OTI: Moo tu munyu kɛ kã konɛ munyu ɔ nɛ wo o tue buli ɔmɛ he wami.

O bua nɛ jɔ munyu ɔ he. Ke o ngɛ o he dlae kɛ ha o ní tsumi ɔ, e sa kaa o susu bɔ nɛ munyu ɔ he hia ha a he saminya. Bɔɔ mɔde nɛ o nu munyu ɔ sisi saminya konɛ o nyɛ nɛ o tu munyu kɛ je o tsui mi.
Mo susu o tue buli ɔmɛ a he. Pue o yi mi tɛ ngɛ bɔ nɛ munyu ɔ maa ye bua mɛ ha a he. Hla blɔ nɛ o ma nyɛ maa gu nɔ kɛ tu munyu ɔ nɛ tue buli ɔmɛ a bua maa jɔ he.
Ha nɛ la nɛ hi o munyu ɔ mi. Moo tu munyu kɛ kã. Mo je he numi kpo kɛ gu bɔ nɛ o maa pee o nɔmlɔ tso ɔ ha kɛ bɔ nɛ o maa pee o hɛ mi ha a nɔ.

Kaa nɔ hyɛmi nɔ́ ɔ, ngɔɔ o nɔmlɔ tso ɔ kɛ tsu ní ngɛ blɔ kpakpa nɔ konɛ e ko je tue buli ɔmɛ a juɛmi ngɛ munyu ɔ nɔ. Ha nɛ sisi numi nɛ hi e kɛ munyu nɛ o ngɛ tue ɔ he. Moo tu munyu kɛ kã, titli ɔ, ke o ngɛ otihi a mi tsɔɔe aloo o ngɛ tue buli ɔmɛ he wami woe nɛ a ngɔ munyu ɔ kɛ tsu ní. Koo pee kã kɛ be nɔ konɛ o ko gbe tue buli ɔmɛ a nya.