Tsɔɔ Tue Buli Ɔmɛ Nɔ́ Ehe Ko

1 Korinto Bi 9:19-23

OTI: Ha nɛ o tue buli ɔmɛ nɛ a susu munyu ɔ he konɛ a na kaa a kase nɔ́ ko nɛ maa ye bua mɛ.

BƆ NƐ O MAA PEE LƐ HA:

• Mo susu nɔ́ nɛ o tue buli ɔmɛ le momo ɔ he. Ha nɛ o tue buli ɔmɛ nɛ a kase nɔ́ ehe ko kɛ je o munyu ɔ mi mohu pe nɛ o maa ti níhi nɛ a le momo ɔmɛ a mi.

• Hla níhi a mi nɛ o pue o yi mi tɛ. Ke o ngɛ nɔ́ ko nɛ he hia mi tsɔɔe, nɛ e maa hi ɔ, koo ngɔ níhi nɛ o tue buli ɔmɛ li he nɔ́ ko tsɔ, aloo amaniɛ bɔmi ehe ko nɛ nihi fuu nui he lolo ɔ kɛ tsɔɔ mi. Mo susu o munyu ɔ he saminya konɛ o hyɛ kaa kɛ nɔ hyɛmi nɔ́ aloo nɔ́ he tomi nɔ́ nɛ o suɔ nɛ o kɛ tsu ní ɔ kɔ munyu ɔ he ha kɛɛ.

• Ha nɛ a na kaa se nami ngɛ o munyu ɔ he. Tsɔɔ o tue buli ɔmɛ bɔ nɛ Ngmami ɔ ma nyɛ maa ye bua mɛ ha ngɛ a si himi mi. Tsɔɔ si fɔfɔɛ komɛ, subai komɛ, kɛ ní peepee pɔtɛɛ komɛ nɛ o munyu ɔ maa ye bua mɛ kɛ tsu a he ní.