BƆ NƐ O MAA JE NÍ SƐƐMI SISI HA
NÍ KASEMI 4
Moo Ba O He Si
Sisi Tomi Mlaa: “Nyɛɛ je he si bami mi nɛ nyɛɛ bu ni kpahi kaa a nɔ kuɔ pe nyɛ.”—Filip. 2:3
Nɔ́ Nɛ Paulo Pee
1. Moo hyɛ VIDEO ɔ, aloo moo kane Ní Tsumi 26:2, 3. Lɔ ɔ se ɔ, mo susu sane bimihi nɛ nyɛɛ se ɔmɛ a he:
Mɛni Paulo pee kɛ tsɔɔ kaa e baa e he si ngɛ bɔ nɛ e kɛ Matsɛ Agripa tu munyu ha a mi?
Mɛni Paulo pee kɛ tsɔɔ kaa e ngɔ e hɛ kɛ fɔ Yehowa kɛ Baiblo ɔ nɔ mohu pe lɛ nitsɛ e nɔ?—Hyɛ Ní Tsumi 26:22.
Mɛni Wa Kaseɔ Ngɛ Paulo Nɔ Hyɛmi Nɔ́ Nɛ ɔ Mi?
2. Nihi a bua jɔɔ wa sɛ gbi ɔ he ke wa je he si bami kɛ bumi mi kɛ tu munyu.
Moo Kase Paulo
3. Moo je bumi mi kɛ tu munyu. Ko ha nɛ nɔ ɔ nɛ nu he kaa moo lɛɛ o le nɔ́ fɛɛ nɔ́, se lɛɛ e li nɔ́ ko nɔ́ ko.
4. Ha nɛ nɔ ɔ nɛ na kaa nɔ́ nɛ nyɛ ngɛ he susue ɔ je Baiblo ɔ mi. Mawu Munyu ɔ ma nyɛ ma ná nihi a susumihi kɛ a he numihi a nɔ he wami. Nɛ ke waa kɛ tsu ní ɔ, lɔ ɔ tsɔɔ kaa wa ngɛ ni ɔmɛ a hemi kɛ yemi ɔ fiae kɛ ma sisi tomi nitsɛnitsɛ nɔ.
5. Moo to o tsui si. Koo tsɔɔ kaa be fɛɛ be ɔ, o nɔ́ da. Wa sume nɛ waa kɛ nihi maa sã nya. Moo to o tsui si nɛ o le be nɛ e sa kaa o je lejɛ ɔ kɛ tsɔɔ kaa o baa o he si. (Abɛ 17:14; Tito 3:2) Ke o je mi mi himi mi kɛ tu munyu ɔ, lɔ ɔ ma ha nɛ be kpa mi ɔ eko ɔ, nɔ ɔ maa suɔ kaa e maa bu wa sɛ gbi ɔ tue.