Nɔ́ nami pɔ he wawɛɛ ngɛ je ɔ mi, se anɛ Mawu nɛ e kɛ nɔ́ nami nɛ ɔmɛ baa wa nɔ lo?
Mɛni Baiblo ɔ De?
Anɛ Mawu nɛ ngɔɔ nɔ́ nami kɛ baa lo?
Kɛ O Ma Ha Heto Kɛɛ?
Ee
Dɛbi
Eko ɔ
Nɔ́ nɛ Baiblo ɔ de
‘Mawu pee we yi wu tso ní, nɛ Ope ɔ pee we nɔ́ nɛ dɛ blɔ.’ (Hiob 34:10) Tsa pi Mawu nɛ ngɔɔ haomihi kɛ nɔ́ namihi nɛ waa kɛ kpee ɔ kɛ baa wa nɔ kɔkɔɔkɔ.
Mɛni hu wa ma nyɛ maa kase ngɛ Baiblo ɔ mi?
Satan Abosiami nɛ ji “je nɛ ɔ nɔ matsɛ ɔ,” lɛ ngɔɔ nɔ́ nami kɛ baa.—Yohane 14:30.
Ke wa mwɔ yi mi kpɔ ko nɛ dɛ ɔ, lɔ ɔ hu nyɛɔ ngɔɔ haomihi kɛ nɔ́ namihi kɛ baa.—Yakobo 1:14, 15.
Anɛ nɔ́ nami se maa po ligbi ko lo?
Ni komɛ heɔ yeɔ kaa ke adesahi tsuo pee kake ɔ, a ma nyɛ maa po nɔ́ nami se. Ni komɛ hu he we yi kaa je ɔ mi si himi maa pee kpakpa hwɔɔ se. Kɛ o susu kɛɛ?
Nɔ́ nɛ Baiblo ɔ de
Mawu maa po nɔ́ nami se. “Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu.”—Kpojemi 21:3, 4.
Mɛni hu wa ma nyɛ maa kase ngɛ Baiblo ɔ mi?
Mawu maa gu Yesu nɔ kɛ je nɔ́ namihi tsuo nɛ Abosiami kɛ ba a kɛ je.—1 Yohane 3:8.
Nimli kpakpahi maa hi si ngɛ tue mi jɔmi mi ngɛ zugba a nɔ kɛ maa ya neneene.—La 37:9-11, 29.