Kɛ O Susu Kɛɛ?

Anɛ Baiblo ɔ ma nyɛ maa ye bua mo konɛ o pee Mawu huɛ lo?

NI KOMƐ HEƆ YEƆ KAA . . .

A be nyɛɛ maa pee Mawu huɛ ejakaa a he tsɔ we nɛ a ji yayami peeli. Ni komɛ deɔ ke Mawu susu we wa he. Kɛ mo hu o susu kɛɛ?

NƆ́ NƐ BAIBLO Ɔ DE

Mawu kɛ ‘nihi nɛ peeɔ nɔ́ nɛ da lɛ bɔɔ.’ (Abɛ 3:32) Ke wa buɔ Mawu tue ɔ, wa ma nyɛ maa pee e huɛmɛ.

MƐNI HU WA MA NYƐ MAA KASE NGƐ BAIBLO Ɔ MI?

• Mawu suɔ kaa e maa pee wa Huɛ.​— Yakobo 4:8.

• Akɛnɛ Mawu ji wa huɛ he je ɔ, e pee klaalo kaa e maa ngɔ wa he yayamihi kɛ pa wɔ nɛ e ye bua wɔ.​—La 86:5.

• Mawu huɛmɛ suɔ nɔ́ nɛ e suɔ nɛ a nyɛɛ ɔ nɔ́ nɛ e nyɛ.​—Roma Bi 12:9.