Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower October 1

“Mwɔnɛ ɔ, nihi fuu he we yi kaa Bɔlɔ ko ngɛ. O susu kaa mɛni heje? [Ngmɛɛ blɔ nɛ e ha heto.] Ngmami nɛ ɔmɛ tsɔɔ yi mi tomi kake ko heje nɛ e ma nyɛ maa ba jã. [Kane Habakuk 1:2, 3.] Womi nɛ ɔ ha sane komɛ nɛ nihi biɔ ngɛ Mawu he nɛ lɔɔ ha a be e mi hemi kɛ yemi ɔ heto.” Ngɔɔ munyu nɛ je sisi ngɛ bafa 11 kɛ tsɔɔ lɛ.

Awake! October

“Anɛ o kplɛɛ nɔ kaa wekuhi kɛ haomihi fuu ngɛ kpee mwɔnɛ ɔ lo? [Ngmɛɛ blɔ nɛ e ha heto.] Nihi fuu li ga womi kpakpahi nɛ ngɛ Baiblo ɔ mi ɔ. Eko ji nɛ ɔ nɛ. [Kane ngmami kake nɛ je kpo ngɛ womi ɔ mi.] Awake! nɛ ngɛ slɔɔto nɛ ɔ tsɔɔ bɔnɛ Baiblo sisi tomi mlaahi ma nyɛ maa ye bua wekuhi konɛ a da si fɔfɔɛ slɔɔtohi nɛ a kɛ ngɛ kpee ɔ nya.”

The Watchtower November 1

“Anɛ o susu kaa níhi tsuo nɛ a tsɔɔ ngɛ sɔlemi ɔmɛ ɔ je Baiblo ɔ mi lo? [Ngmɛɛ blɔ nɛ e ha heto.] Baiblo ɔ bɔ wɔ kɔkɔ kaa waa hyɛ nɛ hi konɛ a ko ngɔ lakpa munyuhi kɛ sisi wɔ. [Kane Kolosebi 2:8.] Womi nɛ ɔ wo tsɔɔmihi ekpa nɛ teɔ si kɛ woɔ Mawu Munyu ɔ nɔ ta.”

Awake! November

“Mwɔnɛ ɔ, nihi babauu ngɔɔ klamahi kaa mobile phone kɛ computer kɛ pɔɔ nítsumi. Anɛ o susu kaa klamahi nɛ waa kɛ tsuɔ ní ɔ puɛɔ wa be loo a puɛ we wa be? [Ngmɛɛ blɔ nɛ e ha heto.] Nihi fuu maa kplɛɛ ga womi nɛ ɔ nɔ kaa e sa nɛ waa ngɔ be kɛ tsu ní ngɛ nile mi. [Kane Efesobi 5:15, 16.] Womi nɛ ɔ tsɔɔ bɔnɛ waa kɛ klamahi ma tsu ní bɔnɛ sa nɛ a be wa be puɛe.”