Anɛ O Pee Klaalo Kaa O Ma La Ha Yehowa Ngɛ Wa Kpe Ɔmɛ A Sisi Lo?
1 Yi jemi lahi nɛ wa maa kase lami ɔ piɛɛ wa he nɛ wa ma dla loko wa maa ya asafo mi kpehi ɔ a he. Mo kadi ga womi nɛ nyɛɛ se nɛ ɔmɛ.
2 Bɔɔ Mɔde Nɛ O Nu La Amɛ A Mi Munyu Ɔmɛ A Sisi: Ngmami nɛ a da nɔ kɛ po la a kɛ ngmami kpahi nɛ a tsɔɔ ngɛ la tsuaa la nyagbe ɔ, haa nɛ wa naa kaa Ngmami ɔ mi nɛ a je la a mi munyu ɔmɛ kɛ je.
3 Moo Kase La Amɛ Lami: Nyɛ ma nyɛ maa ngɔ be nɛ nyɛɛ kɛ peeɔ Weku Mawu Jami daa otsi ɔ eko kɛ kase la ehe ɔmɛ lami. Nyɛɛ fia lahi nɛ a ma la ngɛ asafo mi kpehi a sisi ɔ nɛ a ngɔ piano kɛ fia nɛ ngɛ apawa nɔ ɔ nɛ nyɛ kɛ kase. Ke nyɛ bu Sing to Jehovah—Vocal Renditions, Disc 1 tue ɔ, nyɛ ma nyɛ maa le bɔnɛ la amɛ ekomɛ pɛɛ ha, nɛ nyɛ ma nyɛ maa kase ekomɛ a mi munyu ɔmɛ ngɛ blɛfo gbi mi.
4 Anɛ o pee klaalo kaa ngɛ March 29 otsi ɔ mi nɛ́ wa ma bɔni Sing to Jehovah (La Ha Yehowa) la womi ɔ kɛ nítsumi ngɛ asafo mi kpehi nɛ wa peeɔ ngɛ otsi ɔ mi kɛ Watchtower Nikasemi ɔ sisi ɔ, o maa piɛɛ he lo? Ke o ngɔ be nɛ o kase la amɛ nɛ o nu a mi munyu ɔmɛ a sisi ɔ, o maa pee ja.