Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower July 1

“Ke wa ya slaa wa huɛ ko nɛ be he wami wawɛɛ loo e nu hiɔ nɛ maa gbe lɛ ɔ, wa ti nihi fuu li nɔ́ nɛ wa ma de kɛ wo e bua. Mɛni ji o juɛmi ngɛ ga womi nɛ ɔ he? [Kane Yakobo 1:19. Lɔɔ se ɔ, ngmɛɛ lɛ blɔ nɛ e ha heto.] Womi nɛ ɔ ngɔ ga womi kpakpahi nɛ a kɛ da Baiblo sisi tomi mlaahi a nɔ kɛ ha.” Ngɔɔ munyu nɛ je sisi ngɛ bafa 10 a kɛ tsɔɔ lɛ.

Awake! July

“Anɛ e sa kaa a woɔ yo osɔfo lo? [Ngmɛɛ lɛ blɔ nɛ e ha heto.] Moo bu nɔ́ nɛ Baiblo ɔ de kɛ kɔ yo kake ko he ɔ tue nɛ o hyɛ. [Kane Romabi 16:1.] Se kuku kpa ko hu tsɔɔ kaa e sa nɛ yihi nɛ a pee kɔ̃ ngɛ asafo ɔ mi. Lɛɛ ke jã a, mɛni ji nɔ́ nɛ Baiblo ɔ ngɛ tsɔɔe mɔ? Womi nɛ ɔ maa tsɔɔ mo.” Ngɔɔ munyu nɛ je sisi ngɛ bafa 28 ɔ kɛ tsɔɔ lɛ.

The Watchtower August 1

“Nihi babauu ngɛ gbeye yee kaa tu nguanguahi nɛ a kɛ ngɛ ta hwue ɔ, aloo kɔɔhiɔ mi tsakemi nɛ ngɛ bae ɔ ma puɛ je ɔ loo e ma kpata zugba a hɛ mi. Anɛ o susu kaa e maa ba jã lo? [Ngmɛɛ lɛ blɔ nɛ e ha heto.] Moo hyɛ nɔ́ nɛ Baiblo ɔ de ngɛ sane nɛ ɔ he. [Kane Kpojemi 11:18.] Womi nɛ ɔ ha sane bimihi eywiɛ nɛ nihi pɔɔ bimi kɛ kɔ je ɔ nyagbe ɔ he ɔ a heto.”

Awake! August

“Tse Yehowa Odasefoli kɛ mo sɛɛ ní hyɛ. Anɛ o le nɔ́ heje nɛ ngɛ be mi nɛ nihi fuu a bua jɔɛ wa munyu ɔ he tsuo se ɔ, wa yaa nɔ nɛ wa fiɛɛɔ ngɛ wehi a mi ɔ lo? [Ngmɛɛ lɛ blɔ nɛ e ha heto. Lɔɔ se ɔ, kane Mateo 24:14.] Wa yɔse kaa nihi fuu hɛɛ juɛmi yaya ngɛ wa he. Womi nɛ ɔ tsɔɔ nimli nɛ Yehowa Odasefoli a ji.”