Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower February 1

“Anɛ o susu kaa wa ma nyɛ maa le bɔnɛ Mawu ngɛ ha tutuutu lo? [Ngmɛɛ lɛ blɔ nɛ e ha heto.] I hɛɛ womi ko nɛ tsɔɔ munyu nɛ ɔ nya.” Moo kane munyu nɛ ngɛ sane bimi 2 ɔ sisi nɛ ngɛ bafa 16 kɛ ngmami ɔmɛ a kpɛti kake konɛ nyɛ susu he. Ngɔɔ womi tɛtlɛɛ ɔ kɛ ha lɛ nɛ nyɛɛ to be nɛ o maa kpale kɛ ba slaa lɛ konɛ nyɛ susu munyu nɛ ngɛ sane bimi 3 ɔ sisi ɔ he.

Awake! February

“Akɛnɛ Baiblo ɔ ji blema womi heje ɔ, ni komɛ susuɔ kaa nɔ́ nɛ e deɔ ngɛ adebɔ he nikasemi he ɔ dɛ. Kɛ moo o susu kɛɛ? [Ngmɛɛ lɛ blɔ nɛ e ha heto.] E peeɔ nihi fuu nyakpɛ kaa Baiblo ɔ tu munyu nɛ ngɛ Yesaya 40:22. [Kane.] Munyu nɛ ngɛ bafa 22 ɔ ha sane bimi nɛ ji, Anɛ nɔ́ nɛ Baiblo ɔ deɔ ngɛ adebɔ he nikasemi he ɔ da lo? ɔ heto.”

The Watchtower March 1

“A le Yehowa Odasefoli ngɛ fiɛɛmi nɛ a fiɛɛɔ ɔ heje. Anɛ o susu nɔ́ heje nɛ wa tsuɔ nítsumi nɛ ɔ he hyɛ lo? [Ngmɛɛ lɛ blɔ nɛ e ha heto.] Moo hyɛ bɔnɛ a tsɔɔ nya ngɛ hiɛ ɔ ha. [Kane Mateo 24:14.] Womi nɛ ɔ ha sane bimihi nɛ nyɛɛ se ɔ a heto: Mɛni ji sane kpakpa nɛ ɔ? Mɛni ji Matsɛ Yemi ɔ? Nɛ nyagbe ɔ nɛ maa ba a ji mɛni?”

Awake! March

“Akɛnɛ nihi fuu ngɛ hiɔ nue heje ɔ, waa kɛ nihi ngɛ ngmami nɛ woɔ nɔ he wami nɛ ɔ he susue. [Kane Yesaya 33:24.] Ke enɛ ɔ ba mi ɔ, kɛ o susu kaa wa si himi maa pee kɛɛ? [Ngmɛɛ lɛ blɔ nɛ e ha heto.] Se loko Mawu maa ngɔ tsakemi nɛ ɔ kɛ ba a, ní komɛ ngɛ nɛ a he hia nɛ wɔ tsuo wa ma nyɛ maa pee konɛ wa ná nɔmlɔtso mi he wami. Womi nɛ ɔ tsɔɔ jamɛ a ní ɔmɛ.”