Jehovah’s Witnesses—Organized to Share the Good News
Jeha 100 kɛ se ji nɛ ɔ nɛ́ Yehowa Odasefoli bɔni sane kpakpa a fiɛɛmi. Wa fiɛɛɔ sane kpakpa nɛ ɔ ngɛ gbi lafahi abɔ a mi ngɛ mahi nɛ hiɛ pe 230 a nɔ. A fiɛɛ we sane kpakpa nɛ ɔ ngɛ je ɔ mi tsuo kaa kikɛ hyɛ. (Mat. 24:14) Mɛni heje nɛ nítsumi nɛ ɔ he hia? Mɛni blɔ nɔ a ngɛ gue kɛ ngɛ nítsumi nɛ ɔ tsue ngɛ je ɔ mi tsuo? A ha sane bimi nɛ ɔmɛ a heto ngɛ video nɛ e yi ji, Jehovah’s Witnesses—Organized to Share the Good News (A To Yehowa Odasefoli A He Blɔ Nya Konɛ A Fiɛɛ Sane Kpakpa a) mi, nɛ a tsɔɔ bɔnɛ wa nítsumi ɔ ngɛ nɔ yae ha ngɛ je kɛ wɛ ɔ fitsofitso ngɛ mi. Ke o hyɛ video ɔ ta a, mo ha sane bimi nɛ nyɛɛ se nɛ ɔmɛ a heto.
(1) Mɛni blɔ nɔ video ɔ ha nɛ o bua jɔ mɔde nɛ Yehowa asafo ɔ ngɛ bɔe konɛ a fiɛɛ sane kpakpa a he wawɛɛ ngɛ? (2 Tim. 4:2) (2) Mɛni blɔ nɔ video ɔ ha nɛ o bua jɔ nihi nɛ a sɔmɔɔ ngɛ Betel ngɛ je ɔ mi tsuo ɔ a he wawɛɛ ngɛ? (3) Mɛni blɔ nɔ video ɔ ha nɛ bua jɔmi nɛ o ngɛ ngɛ tsɔsemi nɛ a kɛ haa ma se sane kpakpa fiɛɛli kɛ asafo mi nikɔtɔmahi ɔ ya hɛ mi ngɛ? (2 Tim. 2:2) (4) Mɛni blɔ nɔ video ɔ ha nɛ o na kaa e he hia saminya kaa daa ligbi ɔ, wa susu Baiblo ngmami ko he kɛ je ligbi ɔ sisi, jehanɛ se hu ɔ, mɛni blɔ nɔ video ɔ ha nɛ o na kaa daa otsi ɔ, e he hia wawɛɛ kaa waa kase ní loko waa ya asafo mi kpehi? (Níts. 17:11) (5) Mɛni blɔ nɔ video ɔ ha nɛ o na kaa se nami ngɛ he wawɛɛ kaa wa maa ya Kristofoli a kpehi ngɛ? (Heb. 10:24, 25) (6) Mɛni blɔ nɔ video ɔ ha nɛ bua jɔmi nɛ o ngɛ kaa o ma ná jɔɔmi ke a tsake zugba a kɛ pee Paradeiso ekohu ɔ mi wa ngɛ? (Yes. 11:9) (7) Mɛni blɔ nɔ video ɔ ha nɛ wa bua jɔ he blɔ nɛ wa ná kaa waa kɛ wa he maa wo ní kpami nítsumi ɔ mi ɔ he wawɛɛ ngɛ?—Yoh. 4:35.
Video nɛ ɔ ji nɔ́ nɛ maa ye bua nihi nɛ a ngɛ munyu ɔ he bua jɔmi ɔ konɛ a le bɔnɛ wɔ Yehowa Odasefoli wa tsuɔ wa je kɛ wɛ fiɛɛmi nítsumi ɔ ha saminya. (8) Mɛni be nɛ e maa hi wawɛɛ kaa wa ma je video ɔ kɛ tsɔɔ wa Baiblo kaseli, wa wekuli, kɛ ni kpahi? (9) Benɛ o je video nɛ ɔ kɛ tsɔɔ nihi ɔ, anɛ a bua jɔ he lo?
Ke wa susu nɔ́ nɛ Yehowa ngɛ tsue ɔ he ɔ, lɔɔ woɔ wɔ he wami nɛ wɔ hu wa deɔ kaa bɔnɛ la polɔ ɔ de ɔ, e ke, ‘Yehowa, ye Mawu! O tsu nyakpɛ níhi babauu ha wɔ; o to yi mi kpakpa babauu ngɛ wa he; mɛnɔ po kɛ mo sɔ?’ (La 40:5) Nyɛ ha nɛ waa kɛ video nɛ ɔ nɛ ye bua nihi konɛ a bua nɛ jɔ Yehowa kɛ e we asafo ɔ he!