Sane Bimi He

◼ Mɛni nɔ wa ma nyɛ maa da kɛ ha nɔ ko womi?

Bua jɔmi nɛ nɔ ɔ ma je kpo ɔ ji nɔ́ titli nɛ e sa nɛ waa hyɛ. Ke e bua jɔ munyu ɔ he nitsɛnitsɛ ɔ, wa ma nyɛ ma ha lɛ womi tɛtlɛɛhi enyɔ, aloo womiyo ko, aloo womi ko, aloo womi kpa ko nɛ waa kɛ ngɛ nihi hae. Ke nɔ ɔ be sika nɛ e kɛ maa ye bua je kɛ wɛ nítsumi ɔ, aloo sika nɛ e ngɛ ɔ pi po ɔ, wa ma nyɛ ma ha lɛ womi. (Hiob 34:19; Kpoj. 22:17) Se nihi nɛ a bua jɔɛ wa womi kpakpa nɛ ɔmɛ a he ɔ, e sɛ nɛ wa ha mɛ eko.—Mat. 7:6.

Mɛni wetsɛ ɔ maa pee nɛ e kɛ tsɔɔ kaa e bua jɔ munyu ɔ he? Ke e suɔ kaa e kɛ wɔ maa sɛɛ ní ɔ, lɔɔ tsɔɔ kaa e bua jɔ munyu ɔ he. Ke wa ngɛ munyu tue nɛ nɔ ɔ buɔ wɔ tue, nɛ e haa sanehi nɛ wa biɔ lɛ ɔ a heto, nɛ e jeɔ e gbi kpo ɔ, lɔɔ tsɔɔ kaa e kɛ e he woɔ ní sɛɛmi ɔ mi. Ke wa ngɛ Baiblo ɔ kanee nɛ lɛ hu e kaneɔ kɛ nyɛɔ wa se ɔ, lɔɔ tsɔɔ kaa e ngɛ bumi kɛ ha Mawu Munyu ɔ. Behi fuu ɔ, e maa hi kaa wa ma bi lɛ kaa e maa suɔ nɛ e maa kane womi nɛ waa kɛ ngɛ hae ɔ lo. E sa nɛ fiɛɛli nɛ a kɛ nile nɛ tsu ní ke a ngɛ hlae maa le kaa nɔ ko bua jɔ munyu ɔ he aloo e bua jɔɛ he. Kaa nɔ hyɛmi nɔ́ ɔ, ke wa ngɛ gbɛjegbɛ he odase yee ɔ, e sɛ kaa wa ha nɔ saisaa ko nɛ maa be wa he ɔ womi tɛtlɛɛhi, aloo womiyohi, aloo womihi. Ke wa nyɛ we nɛ waa le kaa nɔ ɔ bua jɔ munyu ɔ he aloo e bua jɔɛ he ɔ, e maa hi kaa wa ma ha lɛ nine fɔmi womi aloo dɛ womi mohu.

Jã nɔuu kɛ̃ nɛ ke a ma ha fiɛɛlɔ ko womihi nɛ e kɛ ya fiɛɛmi ɔ, e sa kaa a da womihi abɔ nɛ e hia a nɔ kɛ ha lɛ womihi mohu pe nɛ a maa da yemi kɛ buami nɛ e ma nyɛ ma ha a nɔ. Yemi kɛ buamihi nɛ wa nine suu nɔ ɔ, pi womi ɔmɛ a he hiɔ nɛ a kɛ woɔ, se mohu ɔ, a kɛ fiɔ nɔ́ tsuaa nɔ́ nɛ kɔ wa je kɛ wɛ fiɛɛmi nítsumi ɔ he ɔ se. Wa ngɛ sika jio, wa be sika jio, ke wa ngɛ hɛsa a, lɔɔ maa wo wɔ he wami nɛ waa je wa tsui mi kɛ ye bua ngɛ wa we ohia si himi ɔ mi kɛ fi Matsɛ Yemi ɔ he níhi a se, se pi níhi nɛ wa ná nɛ be nɔ ɔ eko nɛ waa kɛ maa ye bua. (Mar. 12:41-44; 2 Kor. 9:7) Enɛ ɔ hu ma ha nɛ wa maa ngɔ womihi abɔ nɛ wa hia pɛ kɛ ya fiɛɛmi konɛ wa ko da teokrase níhi.

[Bua Jɔmi Munyu Nɛ A Ma Nɔ Mi ngɛ bafa 2]

E sa nɛ fiɛɛli nɛ a kɛ nile nɛ tsu ní ke a ngɛ hlae maa le kaa nɔ ko bua jɔ munyu ɔ he aloo e bua jɔɛ he