Ko Ha Nihi Wa Womi Ɔmɛ Kɛkɛ

Yesu de ke: ‘Nyɛ ná lɛ yaka gu nɛ nyɛ wui he hiɔ; nyɛ hu nyɛ kɛ ha nɛ nyɛ ko he hiɔwo’ ko. (Mat 10:8) Waa kɛ blɔ tsɔɔmi nɛ ɔ tsuɔ ní, enɛ ɔ he ɔ wa jua we Baiblo ɔ, kɛ Baiblo kasemi womihi nɛ waa kɛ haa nihi ɔ. (2Kor 2:17) E ngɛ mi kaa wa jua we wa womi ɔmɛ lɛɛ, se Baiblo mi anɔkualehi nɛ a he jua wa ngɛ mi. A puɛɔ sika kɛ be fuu kɛ peeɔ wa womi ɔmɛ, nɛ a kɛ maneɔ asafo ɔmɛ ngɛ je kɛ wɛ. Enɛ ɔ he ɔ, e sa nɛ waa ngɔ womi abɔ nɛ maa hia wɔ ɔ pɛ.

Ke wa ngɛ fiɛɛmi mi, loo waa kɛ atsɛ̃se ɔ ngɛ ní tsue po ɔ, e sa nɛ waa kɛ nile nɛ gba wa womi ɔmɛ. (Mat 7:6) Ke nɔ ko bee ɔ, ko ha lɛ womi ɔ kɛkɛ. Moo bɔ mɔde nɛ o kɛ lɛ nɛ sɛɛ ní konɛ o hyɛ kaa e bua jɔ munyu ɔ he lo. Ke e hí kulaa a, e sa nɛ o na níhi nɛ ngɛ daka a mi ɔ kake ko ngɛ nɔ ɔ he loko o ha lɛ womi ɔ. Ke o yi mi tɛ̃ mo kaa nɔ ɔ bua jɔ he loo e bua jɔɛ he ɔ, e maa hi kaa o ma ha lɛ dɛ womi. Se ke nɔ ɔ nitsɛ de mo ke, e suɔ nɛ o ha lɛ womi tɛtlɛɛ ko loo womi kpa ko ɔ, e sa nɛ o ha lɛ.​—Abɛ 3:27, 28.