Moo Ngɔ Wa Internet Nítsumi He ɔ Kɛ Tsɔɔ O Bimɛ Ní
1. Mɛni heje nɛ a pee wa Internet nítsumi he ɔ fã nɛ ji, “Children” ɔ?
1 A pee wa Internet nítsumi he nɛ ji, jw.org ɔ bɔnɛ nɔ tsuaa nɔ bua maa jɔ he. Internet nítsumi he ɔ fã nɛ munyuyi ji, “Children” ɔ (yaa Bible Teachings > Children) yeɔ bua jokuɛwi kɛ fɔli konɛ a hɛ kɛ su a sibi kɛ Yehowa hu he. (5 Mose 6:6, 7) Kɛ o ma plɛ nɛ o kɛ fã nɛ ɔ maa tsɔɔ o bimɛ ní ha kɛɛ?
2. Kɛ o maa pee kɛɛ nɛ o hla munyuhi nɛ sa, nɛ o ma nyɛ kɛ o bimi maa kase ngɛ jehahi nɛ a ye ɔ nya?
2 Koo Pee Kpɛii: Jokuɛ tsuaa jokuɛ kɛ e hiami ní pɔtɛɛ. (1 Kor. 13:11) Lɔɔ he ɔ, kɛ o maa pee kɛ hla munyuhi nɛ sa, nɛ o ma nyɛ kɛ o bimɛ maa kase ngɛ jehahi nɛ a ye ɔ nya kɛɛ? Mo bi o he ke: ‘Mɛni ji níhi nɛ ye bimɛ ɔmɛ a bua maa jɔ he? Anɛ a maa nu sisi saminya lo? Be enyɛmɛ nɛ a ma nyɛ maa ngɔ a juɛmi kɛ ma ní kasemi nɔ?’ Ngɛ jokuɛwi nɛ a ye jeha etɛ loo nɔ́ nɛ sui jã a blɔ fa mi ɔ, o ma nyɛ kɛ mɛ maa susu munyuhi nɛ ngɛ wa Internet nítsumi he ɔ, nɛ ngɛ fã nɛ ji, “My Bible Lessons” ɔ sisi ɔ he. Wekuhi komɛ hu a bua jɔ Baiblo mi munyuhi nɛ ngɛ fã nɛ ji, “Teach Your Children” ɔ he. Mo susu munyuhi nɛ nyɛɛ se nɛ ɔmɛ hu a he nɛ o hyɛ.
3. Mɛni blɔ nɔ fɔli ma nyɛ maa ngɔ Baiblo mi sanehi kɛ nítsumihi nɛ ngɛ “Family Worship Projects” (Weku Mawu Jami Mi Nítsumihi) sisi ɔ kɛ tsu ní saminya ngɛ?
3 Weku Mawu Jami Mi Nítsumihi: Nítsumi nɛ ɔmɛ maa ye bua wekuyihi konɛ a kɛ a bimɛ nɛ kase ní. Ke o ya wa Internet nítsumi he ɔ nɔ ɔ, moo nyɛ “Bible Teaching” nɔ. Ngɛ “Bible Teaching” ɔ sisi ɔ, moo nyɛ “Children” nɔ, nɛ o hla “Family Worship Projects” nɛ o nyɛ nɔ. Lɔɔ se ɔ, moo nyɛ daka nyafii nɛ a ngma “download” ngɛ mi ɔ nɔ, nɛ o kane “Parents’ Guide” (Blɔ Tsɔɔmi Kɛ Ha Fɔli) konɛ o le bɔnɛ o kɛ munyu ɔmɛ nɛ kɔɔ nítsumi ɔmɛ eko tsuaa eko he ɔ ma tsu ní ha. Moo ngɔ nítsumi nɛ kɔɔ fonihi a dikimi he ɔ kɛ tsɔɔ o bimɛ wawi ní. Moo ye bua o bimɛ nɛ a wa bɔɔ ɔ konɛ a tsu ní peemi nɛ kɔɔ ní kasemi ɔ he ɔ he ní. Nítsumi ɔ eko tsuaa eko kɔɔ Baiblo mi sane loo ní kasemi kake ɔ nɔuu he, lɔɔ he ɔ, jokuɛwi ɔmɛ tsuo ma nyɛ maa ngɔ a he kɛ wo weku Mawu jami mi nítsumi kake ɔ nɔuu mi.
4. Ke o ya wa Internet nítsumi he ɔ fã nɛ ji, “Moo Pee Yehowa Huɛ” ɔ nɔ ɔ, Mɛni o maa na ngɛ lejɛ ɔ?
4 Moo Pee Yehowa Huɛ: Videohi, lahi, kɛ ní kasemi mi nítsumihi nɛ ngɛ wa Internet nítsumi he ɔ nɔ ɔ maa ye bua fɔli konɛ a du Mawu Munyu ɔ kɛ wo a bimɛ a tsui mi. (5 Mose 31:12) Video kpitikpiti nɛ ɔmɛ eko tsuaa eko tsɔɔ nɔ́ ko nɛ he hia wawɛɛ. Nítsumihi kɛ fiɛmihi nɛ ngɛ mi ɔ maa bɔnɛ ní kasemi nɛ ɔmɛ a he ngɛ se nami ha a nɔ mi. Akɛnɛ jokuɛwi suɔ la, nɛ lahi yeɔ bua mɛ nɛ a kaiɔ nihi nɛ a kase heje ɔ, a ngɔɔ Matsɛ Yemi la amɛ kɛ lahi nɛ a ngma kɛ pɔɔ wa Internet nítsumi he ɔ nɔ womi.
5. Mɛni heje nɛ e sa kaa fɔli nɛ a bi Yehowa nɛ e ye bua mɛ konɛ a tsɔɔ a bimɛ anɔkuale ɔ?
5 Fɔli, Yehowa suɔ nɛ nyɛɛ ye manye kaa tsɛmɛ kɛ nyɛmɛ. Lɔɔ he ɔ, nyɛ bi lɛ nɛ e ye bua nyɛ nɛ nyɛɛ tsɔɔ nyɛ bimɛ anɔkuale ɔ. (Many. 13:8) Ngɛ Yehowa yemi kɛ buami nya a, nyɛ ma nyɛ ma tsɔse nyɛ bimɛ konɛ ‘a le ní, nɛ a ná wami kɛ gu Kristo Yesu mi hemi kɛ yemi nɔ.’—2 Tim. 3:15; Abɛ 4:1-4.