Moo Ngɔ jw.org Kɛ Tsu Ní Ngɛ Fiɛɛmi Mi​—“Moo Pee Yehowa Huɛ”

Ke o ya “Bible Teachings” ngɛ jw.org nɔ ɔ, he ko ngɛ nɛ a pee kɛ ha jokuɛwi nɛ a tsɛɛ ke “Become Jehovah’s Friend.” Lahi, videohi, kɛ ní kpahi ngɛ lejɛ ɔ. Anɛ o ngɔ ní nɛ ɔmɛ eko kɛ tsu ní hyɛ ngɛ fiɛɛmi mi lo? Ke o kɛ nɔ ko nɛ e ngɛ bimɛ tsɔwi ngɛ Baiblo ɔ kasee ɔ, mo je kɛ tsɔɔ lɛ. Enɛ ɔ ma ha nɛ e maa suɔ kaa e maa hyɛ ní kpahi nɛ ngɛ wa Intanɛti ní tsumi he ɔ nɔ.

Benɛ wa ngɛ Matsɛ Yemi Sɛ Gbi 38 ɔ gbae ɔ, nyɛminyumu ko ha yo ko dɛ womi ɔ eko. Nɔuu nɛ yo ɔ bɔni kanemi. Yo ɔ ngɛ bimɛ tsɔwi fuu nɛ a ngɛ hlae nɛ a maa hyɛ dɛ womi ɔ mi. Nyɛminyumu ɔ kɛ yo ɔ susu munyu nɛ ngɛ dɛ womi ɔ mi ɔ he kpiti, nɛ e gbla e juɛmi kɛ ya wa Intanɛti ní tsumi he ɔ nɔ. Akɛnɛ yo ɔ bua jɔ munyu ɔ he he je ɔ, nyɛminyumu ɔ ngɔ e mobile phone ɔ kɛ je Kaleb video ɔ kake kɛ tsɔɔ yo ɔ kɛ e bimɛ ɔmɛ.

Nyɛmiyo ko hu de yo ko nɛ e kɛ lɛ tsuɔ ní nɛ e ngɛ bimɛ tsɔwi ɔ níhi nɛ ngɛ wa Intanɛti ní tsumi he ɔ nɔ nɛ́ e weku ɔ ma nyɛ ma ná he se. Yo ɔ bli kɛ ya jw.org, nɛ e kɛ e bimɛ ɔmɛ a hyɛ níhi nɛ ngɛ lejɛ ɔ. Pee se ɔ, yo ɔ de nyɛmiyo ɔ kaa ke e bimɛ ɔmɛ ngɛ fiɛe ngɛ we mi ɔ, a hii la nɛ e yi ji “Preach the Word,” nɛ ngɛ “Become Jehovah’s Friend” blɔ he ɔ lae.

Moo bɔ mɔde nɛ o le níhi nɛ ngɛ jw.org nɔ ɔ saminya, nɛ o gbla videohi, lahi, loo ní tsumihi nɛ ngɛ lejɛ ɔ kɛ fɔ o mobile phone ɔ nɔ. Ke o pee jã a, o ma nyɛ maa ngɔ kɛ tsu ní ngɛ fiɛɛmi mi be tsuaa be. Wa Intanɛti ní tsumi he ɔ nɛ́ e se be ɔ maa ye bua wɔ konɛ wa sɔmɔ Nyɔmtsɛ ɔ!​—Níts. 20:19.