Wa He Nɛ Maa Be Ngɛ Fiɛɛmi Ní Tsumi ɔ Mi​—Bɔ Nɛ Wa Ma Ha Nihi Nɛ A Tsiɔ Ní Sɛɛmi Nya a Heto Ha

Nɔ́ He Je Nɛ E He Hia: Ngɔɔ lɛ kaa o le kaa adebɔ mi oslaa ko ma. Nɛ ke nihi tui fo kɛ ya he nɛ ngɛ slɔkee ɔ, a ma gbo. Enɛ ɔ he ɔ, o ya nɔ ko ngɛ o kpɔ ɔ mi ɔ ngɔ konɛ o ya bɔ lɛ kɔkɔ, se e po o munyu ɔ mi nɛ e de mo ke e be deka. Anɔkuale mi ɔ, o be e he jee nɔuu, mohu ɔ, o maa ye bua lɛ! Nihi fuu nɛ a ngɛ wa zugba kpɔ ɔ mi ɔ fieɔ wɔ akɛnɛ a li se námi nɛ ngɛ yi wami hemi munyu nɛ wa ngɛ fiɛɛe ɔ he he je. Eko ɔ, a be deka niinɛ be nɛ wa ya a ngɔ ɔ. (Mat. 24:37-39) Loo eko ɔ, nihi de mɛ ni yayahi ngɛ wa he. (Mat. 11:18, 19) Eko hu ɔ, a susuɔ kaa wɔ hu wa ngɛ kaa jamihi nɛ a wui yiblii kpakpa amɛ. (2 Pet. 2:1, 2) Ke sisije ɔ, wetsɛ ɔ bua juɛ munyu ɔ he ɔ, wa kɔni mi ko jɔ.