E Sa Nɛ A Tsu He Ní Oya

Kɛ je be nɛ a pee wa Intanɛti ní tsumi he ɔ ehe ɔ, nihi nɛ a biɔ kaa a kɛ mɛ nɛ ba kase Baiblo ɔ a yibɔ ngɛ hiɛe wawɛɛ. Ma nɔ odase yemi blɔ nya tomi ehe ɔ hu ha nihi ngɛ bie kaa a kɛ mɛ nɛ kase Baiblo ɔ. Ke ní bimi ɔ su asafo ɔ ní tsumi kɔni ɔ, a tsuɔ he ní oya. Kaa nɔ hyɛmi nɔ ɔ, ke nɔ ko ya jw.org nɔ nɛ e bi kaa a kɛ lɛ nɛ ba kase Baiblo ɔ, asafo ɔ ní tsumi kɔni ɔ haa asafo nikɔtɔmahi nɛ a ngɛ nɔ ɔ kpɔ ɔ mi ɔ lemi ngɛ ligbi enyɔ pɛ mi. Amaniɛbɔ tsɔɔ kaa otsi babauu beɔ nɛ a yɛ nihi nɛ a bi kaa a kɛ mɛ ba kase Baiblo ɔ ekomɛ a ngɔ. Mɛni blɔ nɔ wa maa gu kɛ hyɛ konɛ a ye bua ni nɛ ɔmɛ mla nɛ bua jɔmi nɛ e ná a ko ba si?​—Marko 4:14, 15.

Ke nɔ ko nɛ ná munyu ɔ he bua jɔmi ɔ be nyɛ zugba kpɔ ɔ mi ɔ, moo ngma Please Follow Up (S-43) womi ɔ nɔ ní nɛ o kɛ ha womi ngmalɔ ɔ nɔuu ke nyɛ ya asafo mi kpe. Ngɛ ligbi kake loo enyɔ mi ɔ, e sa nɛ womi ngmalɔ ɔ nɛ e ngɔ nɔ ɔ he sane ɔ kɛ gu jw.org kɛ mane ní tsumi kɔni ɔ. E sa nɛ asafo mi nikɔtɔma amɛ nɛ a pɔ Intanɛti ɔ nɔ hyɛmi kpamkpam. Ke a de mɛ ke a ya nɔ ko ngɔ ɔ, e sa nɛ a tsu he ní oya. Ke a de fiɛɛlɔ ko kaa e ya slaa nɔ ɔ, e sa nɛ e ha nɛ nɔ ɔ slaami ɔ he nɛ hia lɛ wawɛɛ. Ke e ya nɛ nɔ ɔ be we mi ɔ, e ma nyɛ ma si sɛ womi kɛ e phone nɔma.