Nyɛ Ha Nɛ Waa Kɛ Kã Nɛ Wo Wa Sibi He Wami Ngɛ Nɔ́ Kpakpa Peemi He

Hebri Bi 10:24 woɔ wɔ he wami kaa ‘wa susu ni kpahi a he nɛ waa suɔ wa sibi, nɛ waa pee wa sibi kpakpa.’ Wa ma nyɛ maa wo wa nyɛmimɛ he wami kɛ gu nɔ hyɛmi nɔ́ kpakpa nɛ wa maa pee, kɛ hemi kɛ yemi kpo nɛ wa ma je ɔ nɔ. O kɛ nyɛmimɛ nɛ sɛɛ níhi a si kpami kpakpahi nɛ o ná a he ní. Ha nɛ a na kaa o bua jɔ Yehowa sɔmɔmi he, nɛ koo ngɔ mɛ kɛ to o he loo ní kpahi a he. (Gal. 6:4) E sa nɛ waa wo nyɛmimɛ he wami nɛ a je ‘suɔmi kpo nɛ a pee ni kpahi kpakpa,’ mohu pe nɛ wa ma hla a he tɔmihi. (Hyɛ Ministry School womi ɔ bf. 158 kk. 4.) Ke wa wo nyɛmimɛ he wami nɛ a bli a suɔmi mi ɔ, lɔ ɔ ma ha nɛ a maa pee nihi kpakpa, nɛ a kɛ hɛdɔ maa fiɛɛ.​—2 Kor. 1:24.