Ja Wa Dla Wa He Loko Waa Kɛ He Bemi Ma Nyɛ Maa Tsɔɔ Ní

A bi Yesu neneene wami he sane si enyɔ, se ngɛ eko tsuaa eko mi ɔ, e hyɛ nɔ́ he je nɛ ni ɔmɛ bi lɛ sane ɔ, nɛ e ha a ti nɔ tsuaa nɔ heto nɛ sa. (Luka 10:25-28; 18:18-20) Enɛ he ɔ, ke wa le nɔ́ nɛ waa kɛ wa Baiblo kaselɔ ɔ ma ya kase ɔ momo po ɔ, e sa nɛ waa sɛ hlami nɛ waa kase mi, nɛ wa susu bɔ nɛ waa kɛ lɛ maa kase ní ɔ ha nɛ e ma ná he se ɔ he. Mɛni ji ní komɛ nɛ a sisi numi maa ye ha lɛ? Ngmamihi nɛ a tsɛ se ɔ te nɛɛ nɛ e sa nɛ waa kane? Kukuhi enyɛmɛ nɛ e sa nɛ i kɛ lɛ nɛ kase? Eko ɔ, e he maa hia nɛ wa hla nɔ́ hetomi nɔ́ ko, loo wa susu bɔ nɛ wa maa tsɔɔ lɛ níhi a nya ha, aloo sane komɛ nɛ wa maa bi lɛ konɛ e nu munyu ɔ sisi saminya. Jehanɛ hu ɔ, akɛnɛ Yehowa lɛ e haa nɛ anɔkuale wu ɔ waa ngɛ nihi a tsui mi he je ɔ, e sa nɛ waa sɔle konɛ Yehowa nɛ jɔɔ wa he dlami ɔ, kɛ mɔde nɛ wa ngɛ bɔe kaa wa maa ye bua nɔ ɔ konɛ e sɔmɔ lɛ ɔ nɔ, nɛ e jɔɔ wa ní kaselɔ ɔ hulɔ.​—1 Kor. 3:6; Yak. 1:5.