Mo Nya A He Kɛ Bua Jɔmi

Mɛnɔmɛ nɛ e sa kaa o nya a he kɛ bua jɔmi ɔ? Nɔ fɛɛ nɔ nɛ maa ba Kristofohi a kpehi nɛ wa peeɔ ɔ eko. A ma nyɛ maa pee nibwɔhi loo nyɛmimɛ nɛ wa na mɛ kɛ. (Rom 15:7; Heb 13:2) Eko ɔ, nɔ ɔ ji nyɛmi ko nɛ e je ma kpa nɔ, loo nyɛmi ko nɛ e kpa asafo mi kpehi kɛ fiɛɛmi yami jehahi babauu. Ke o ngɛ si fɔfɔɛ ko kaa jã mi, nɛ o ba asafo mi kpe, nɛ nyɛmimɛ nya o he ɔ, anɛ o bua be jɔe lo? (Mat 7:12) Enɛ ɔ he ɔ, e maa hi kaa wa ma fɔ nihi ngɛ Matsɛ Yemi Asa a nɔ loko a je kpe ɔ sisi. Ke a kpa hu ɔ, e maa hi kaa wa maa pee jã. Ke wa pee jã a, e haa nɛ bua jɔmi kɛ nyɛmi suɔmi hii wa kpɛti, nɛ lɔ ɔ woɔ Yehowa hɛ mi nyami. (Mat 5:16) Niinɛ, eko ɔ, waa kɛ nɔ fɛɛ nɔ nɛ e ba kpe ɔ be nyɛe maa tu munyu. Se kɛ̃ ɔ, ke wa ti nɔ fɛɛ nɔ pee e blɔ fa mi nɔ́ ɔ, wɔ tsuo wa bua maa jɔ.a

Pi Kaimi be ɔ mi, loo be pɔtɛɛ komɛ a mi pɛ nɛ wa peeɔ nihi nubwɔ. Wa peeɔ nihi nubwɔ be fɛɛ be. Ke ni hehi na bɔ nɛ Kristofohi suɔ a sibi ha a, eko ɔ, lɔ ɔ ma ha nɛ a ma je Mawu yi, nɛ a ma ba piɛɛ wa he kɛ ja Mawu.​—Yoh 13:35.