A ngɛ fiɛɛe ngɛ Monrovia kasa nya, ngɛ Liberia

Ní Sɛɛmi He Nɔ Hyɛmi Níhi

●○○ KEKLE LIGBI NƐ O YA NA NƆ KO

Sane Bimi: Anɛ loloolo ɔ, se nami ngɛ Baiblo ɔ he lo?

Ngmami: 2Ti 3:16

Sane bimi nɛ a ma susu he pee se: Mɛni sɛ gbi lɛ ngɛ Baiblo ɔ mi?

○●○ KEKLE KPALE YA SLAA

Sane Bimi: Mɛni sɛ gbi lɛ ngɛ Baiblo ɔ mi?

Ngmami: Mat 6:10

Sane bimi nɛ a ma susu he pee se: Mɛni Mawu Matsɛ Yemi ɔ ma ba pee?

○○● KPALE YA SLAA ENYƆNE

Sane Bimi: Mɛni Mawu Matsɛ Yemi ɔ ma ba pee?

Ngmami: Dan 2:44

Sane bimi nɛ a ma susu he pee se: Mɛni tsakemi enɛ ɔ kɛ maa ba zugba a nɔ?

Kɛ je nyɔhiɔ nɛ ɔ mi ɔ, a be womi hami he video etɛ jee hu ngɛ otsi ɔ mi kpe ɔ mi. Mohu ɔ, a kɛ ní sɛɛmi he nɔ hyɛmi ní komɛ kaa sane bimi nɛ waa kɛ ma nyɛ maa je ní sɛɛmi sisi, kɛ ngmami, kɛ sane bimi nɛ maa ye bua wɔ konɛ wa nyɛ nɛ waa kpale ya slaa nihi maa wo Si Himi Kɛ Sɔmɔmi Ní Tsumi Womi ɔ mi. Daa otsi ɔ, a ma je ní sɛɛmi he nɔ hyɛmi nɔ́ he video kake pɛ. Fiɛɛlɔ fɛɛ fiɛɛlɔ ma nyɛ maa ngɔ womi saisaa ko nɛ waa kɛ nihi kaseɔ ɔ eko kɛ tsu ní kekle ligbi nɛ e ya na nɔ ko, aloo ke e kpale ya slaa nɔ ko. Jehanɛ hu ɔ, a maa ngɔ kpale ya slaa he nɔ hyɛmi níhi enyɔ kɛ wo ní kasemi womi ɔ mi. Oti nɛ waa kɛ ma wa hɛ mi ji kaa wa maa tsɔɔ “nihi tsuo nɛ a ngɛ su kpakpa nɛ ma ha nɛ a ná neneene wami ɔ” ní. Enɛ ɔ maa ye bua wɔ konɛ wa hɛ nɛ hi oti nɛ ɔ nɔ.—Nít 13:48.

Sukuu Bi Ɔmɛ A Ní Tsumi: Ke a kɛ blɔ tsɔɔmi kpa ko ha we ɔ, lɛɛ e sa nɛ sukuu bi ɔmɛ nɛ a ngɔ ní sɛɛmi he nɔ hyɛmi ní ɔmɛ kɛ tsu ní.