KRISTOFOHI A SI HIMI

Ngɔɔ Níhi Nɛ Waa Kɛ Tsɔɔ Ní ɔ Kɛ Tsu Ní Saminya

A kɛ Baiblo ɔ kɛ womiyo ko ngɛ nyumu ko odase yee

Kaselɔ peemi ní tsumi ɔ ngɛ kaa tsu mami ní tsumi. Loko wa ma nyɛ maa ma tsuɔ saminya a, e sa nɛ wa kase bɔ nɛ a kɛ ní tsumi ní ɔmɛ tsu ɔ ní ha. E sa nɛ waa kase bɔ nɛ waa kɛ Baiblo ɔ ma tsu ní ha saminya, ejakaa lɔ ɔ ji nɔ́ titli nɛ waa kɛ tsuɔ ní. (2Ti 2:15) E he hia hulɔ nɛ wa kɛ womihi kɛ videohi nɛ Waa Kɛ Tsɔɔ Ní ɔ nɛ tsu ní saminya kɛ pee nihi kaseli.a

Kɛ o ma plɛ kɛ ya o hɛ mi ngɛ bɔ nɛ o kɛ ní nɛ ɔmɛ tsuɔ ni ha a mi kɛɛ? (1) Mo bi o fiɛɛmi yami kuu ɔ nɔ hyɛlɔ ɔ nɛ e ye bua mo, (2) o kɛ fiɛɛlɔ aloo blɔ gbalɔ ko nɛ e ngɛ níhi a si kpami ɔ nɛ ya fiɛmi, (3) yaa nɔ nɛ o kase bɔ nɛ o kɛ ní nɛ ɔmɛ ma tsu ní ha saminya. Ke o ba le bɔ nɛ a kɛ womihi kɛ videohi tsu ɔ ní ha saminya ngɛ fiɛɛmi ní tsumi ɔ mi ɔ, lɔ ɔ ma ha nɛ o ná bua jɔmi nitsɛ ngɛ kaseli peemi ní tsumi nɛ ngɛ nɔ yae mwɔnɛ ɔ mi.

WOMI TƐTLƐƐHI