Yesu Wo E Tsɛ ɔ Hɛ Mi Nyami

7:15-18, 28, 29; 8:29

Yesu wo e Tsɛ ɔ hɛ mi nyami ngɛ e munyu tutui kɛ e ní peepee tsuo mi. Yesu suɔ nɛ nihi nɛ a le kaa sɛ gbi nɛ e ngɛ fiɛɛe ɔ je Mawu ngɔ. Enɛ ɔ he ɔ, e daa Ngmami ɔ nɔ kɛ tsɔɔ ní, nɛ e pɔɔ munyuhi a se tsɛmi kɛ jeɔ mi. Ke nihi je Yesu yi ɔ, e ngɔɛ hɛ mi nyami ɔ, mohu ɔ, e kɛ haa Yehowa. Nɔ́ nɛ he hia lɛ titli ji kaa e maa gbe ní tsumi nɛ Yehowa kɛ wo e dɛ kaa e tsu ɔ nya.​—Yo 17:4.

Kɛ wa ma plɛ kɛ kase Yesu ha kɛɛ ke . . .

• waa kɛ nɔ ko ngɛ Baiblo ɔ kasee aloo wa ngɛ ní tsɔɔe ngɛ munyu tumi kpoku ɔ nɔ?

• nihi je wa yi?

• wa ngɛ nɔ́ nɛ waa kɛ wa be ma tsu ɔ he susue?