Moo Ba O He Si Ke Nihi Je O Yi

Be komɛ ɔ, nihi ma nyɛ ma je wa yi ngɛ nɔ́ ko nɛ wa pee ɔ he. Jã nɛ a maa pee ɔ maa wo wɔ he wami ke yi mi tomi kpakpa he je nɛ a je wa yi ngɛ, nɛ nɔ́ nɛ a de ɔ je a tsui mi. (Abɛ 15:23; 31:10, 28) Se e sa nɛ waa hyɛ nɛ hi konɛ lɔ ɔ nɛ ko ha nɛ waa nu he kaa wa nɔ kuɔ pe ni kpahi aloo e ha nɛ wa wo wa he nɔ.

NYƐƐ HYƐ VIDEO NƐ JI, MOO YE ANƆKUALE KAA BƆ NƐ YESU YE ANƆKUALE Ɔ​—KE NIHI JE O YI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni ní komɛ a mi nɛ eko ɔ, nihi ma je wa yi ngɛ?

• Kɛ nyɛmimɛ ɔmɛ je Sergei yi ha kɛɛ?

• Ngɛ mɛni blɔ nɔ nɛ bɔ nɛ a je e yi ha a po blɔ mi?

• Mɛni o kase ngɛ bɔ nɛ Sergei ba e he si ha a mi benɛ a je e yi ɔ?