“Moo Je O Tsui Mi Faa Nɛ O Ke Yehowa Ní”

Mɛni blɔ nɔ wa maa gu kɛ ‘je wa tsui mi faa kɛ ke Yehowa nɔ́ ko?’ (1Kron 29:5, 9, 14) A tsɔɔ blɔ slɔɔtohi nɛ wa ma nyɛ maa gu nɔ kɛ ha yemi kɛ buami kɛ fĩ ní tsumi nɛ Yehowa Odasefohi ngɛ tsue ngɛ je kɛ wɛ kɛ wa kpɔ ɔ mi ɔ se.

YEMI KƐ BUAMI NƐ A KƐ HAA KƐ GUƆ INTANƐTI Ɔ NƆ LOO NƐ A KƐ WOƆ YEMI KƐ BUAMI DAKAHI A MI Ɔ YEƆ BUA:

• 

  JE KƐ WƐ NÍ TSUMI Ɔ

  asafo ɔ ní tsumi kɔnihi kɛ gbi sisi tsɔɔmi ɔfisihi nɛ be Betel ɔ a mami kɛ a nɔ hyɛmi

  teokrase sukuuhi

  be tsuo sɔmɔli klɛdɛɛ

  oslaa be mi yemi kɛ buami

  womi fiami, videohi peemi, kɛ níhi nɛ a kɛ fɔɔ intanɛti ɔ nɔ

• 

  YEMI KƐ BUAMI KƐ HA ASAFO Ɔ MI NÍ TSUMIHI

  asafo ɔ he hiɔhi, ekomɛ ji kane kɛ nyu he hiɔhi, nɛ a kɛ dlaa Matsɛ Yemi Asa a he ní komɛ hulɔ

  sika nɛ asafo ɔ to kaa e kɛ maa mane asafo ɔ ní tsumi kɔni ɔ daa nyɔhiɔ, kɛ ha:

  • Matsɛ Yemi Asahi kɛ Kpe Peemi Asahi a mami ngɛ je kɛ wɛ

  • Je Kɛ Wɛ Yemi Kɛ Buami Blɔ Nya Tomi ɔ

  • ní tsumi kpahi nɛ a tsuɔ ngɛ je kɛ wɛ

KPOKPA NƆ KPEHI KƐ KPƆ MI KPEHI

A ngɔɔ yemi kɛ buami nɛ waa kɛ haa ngɛ kpokpa nɔ kpehi a sisi ɔ kɛ piɛɔ yemi kɛ buami kɛ ha je kɛ wɛ ní tsumi ɔ he. Nɛ a jeɔ sika ngɛ yemi kɛ buami kɛ ha je kɛ wɛ ní tsumi ɔ mi nɛ a kɛ woɔ kpokpa nɔ kpehi, kpe klɛdɛɛhi kɛ mahi a kpɛti kpehi a he hiɔ.

A ngɔɔ yemi kɛ buami nɛ a náa ngɛ kpɔ mi kpehi a sisi ɔ kɛ haiɔ kpe peemi hehi, a kɛ dlaa níhi ngɛ kpe peemi he ɔmɛ, nɛ a kɛ eko tsuɔ kpɔ ɔ mi hiami ní komɛ hu a he ní. Kpɔ ko ma nyɛ maa kpɛ yi mi kaa e kɛ a sika nɛ piɛ ɔ maa ye bua Yehowa Odasefohi a je kɛ wɛ ní tsumi ɔ.